Arrian, Indica, chapter 25

(아리아노스, Indica, chapter 25)

ἐνθαῦτα νεωλκέουσι τὰσ νέασ, καὶ ὅσαι πεπονηκυῖαι αὐτέων ἐπισκευάζουσι. τῇ δὲ ἕκτῃ ἡμέρῃ ἐστέλλοντο, καὶ πλώσαντεσ σταδίουσ ἐσ τριηκοσίουσ ἀπικνέονται ἐσ χῶρον, ὃσ δὴ ἔσχατοσ ἦν τῆσ Ὠρειτέων γῆσ· Μάλανα τῷ χώρῳ οὔνομα. Ὠρεῖται δὲ ὅσοι ἄνω ἀπὸ θαλάσσησ οἰκέουσιν, ἐσταλμένοι μὲν κατάπερ Ἰνδοί εἰσι, καὶ τὰ ἐσ πόλεμον ὡσαύτωσ παραρτέονται·

γλῶσσα δὲ ἄλλη αὐτοῖσι τοῖσι καὶ ἄλλα νόμαια. μῆκοσ τοῦ παραπλόου παρὰ μὲν χώρην τὴν Ἀραβίων ἐσ χιλίουσ μάλιστα σταδίουσ, ἔνθενπερ ὡρμήθησαν, παρὰ δὲ τὴν Ὠρειτέων γῆν ἑξακόσιοι καὶ χίλιοι.

παραπλωόντων δὲ τὴν Ἰνδῶν γῆν ̔τὸ ἐνθεῦτεν γὰρ οὐκέτι Ἰνδοί εἰσἰ λέγει Νέαρχοσ ὃτι αἱ σκιαὶ αὐτοῖσιν οὐ τωὐτὸ ἐποίεον·

ἀλλὰ ὁκότε μὲν ἐπὶ πολλὸν τοῦ πόντου ὡσ πρὸσ μεσαμβρίην προχωρήσειαν, αἱ δὲ καὶ αὐταὶ πρὸσ μεσαμβρίην τετραμμέναι ἐμαίνοντο·

ὁκότε δὲ τὸ μέσον τῆσ ἡμέρησ ἐπέχοι ὁ ἥλιοσ, ἤδη καὶ ἔρημα σκιῆσ πάντα ὤφθη αὐτοῖσι. τῶν τε ἀστέρων ὅσουσ πρόσθε μετεώρουσ κατεώρων;

οἳ μὲν ἀφανέεσ πάντη ἦσαν, οἳ δὲ πρὸσ αὐτῇ τῇ γῇ ἐφαίνοντο, καταδύνοντέσ τε καὶ αὐτίκα ἀνατέλλοντεσ οἱ πάλαι ἀειφανέεσ ἐόντεσ. καὶ ταῦτα οὐκ ἀποικότα δοκέει μοι ἀναγράψαι Νέαρχοσ·

ἐπεὶ καὶ ἐν Συήνῃ τῇ Αἰγυπτίῃ, ἐπεὰν τροπὰσ ἄγῃ θέρεοσ ὡρ́ῃ ὁ ἥλιοσ, φρέαρ ἀποδεδειγμένον ἐστί, καὶ τοῦτο ἄσκιον ἐν μεσαμβρίῃ φαίνεται· ἐν Μερόῃ δὲ πάντα ἄσκια τῇ αὐτῇ ὡρ́ῃ. οἰκὸσ ὦν καὶ ἐν Ἰνδοῖσιν, ἅτε πρὸσ μεσαμβρίην ᾠκισμένοισι, τωὐτὰ δὴ πάθεα ἐπέχειν, καὶ μάλιστα δὴ κατὰ τὸν πόντον τὸν Ἰνδικόν, ὅσῳ μᾶλλον αὐτοῖσιν ἡ θάλασσα πρὸσ μεσαμβρίην κέκλιται.

ταῦτα μὲν δὴ ὧδε ἐχέτω.

일치하는 문장이 없습니다.

SEARCH

MENU NAVIGATION