헬라어 문장 검색 - Αρριαν́Ινδιξά23́

(아리아노스, Indica, chapter 23)

ὁρμηθέντεσ δὲ ἐκ τῶν ἐκβολέων τοῦ Ἀράβιοσ παρέπλωον τῶν Ὠρειτέων τὴν χώρην. καὶ ὁρμίζονται ἐν Παγάλοισι, πλώσαντεσ σταδίουσ ἐσ διηκοσίουσ, πρὸσ ῥηχίῃ. ἀλλὰ ἀγκύρῃσι γὰρ ἐπίβολοσ ἦν ὁ χῶροσ. τὰ μὲν ὦν πληρώματα ἀπεσάλευον ἐν τῇσι νηυσίν, οἱ δὲ ἐπ̓ ὕδωρ ἐκβάντεσ ὑδρεύοντο. τῇ δ̓ ὑστεραίῃ ἀναχθέντεσ ἅμα ἡμέρῃ καὶ πλώσαντεσ σταδίουσ ἐσ τετρακοσίουσ κατάγονται ἑσπέριοι ἐσ Κάβανα, καὶ ὁρμίζονται πρὸσ αἰγιαλῷ ἐρήμῳ.

ἐνθαῦτα ῥηχίη τρηχέα ἦν, καὶ ἐπὶ τῷδε μετεώρουσ τὰσ νέασ ὡρμίσαντο. κατὰ τοῦτον τὸν πλόον πνεῦμα ὑπολαμβάνει τὰσ νέασ μέγα ἐκ πόντου, καὶ νέεσ δύο μακραὶ διαφθείρονται ἐν τῷ πλόῳ, καὶ κέρκουροσ·

οἱ δὲ ἄνθρωποι σῴζονται ἀπονηξάμενοι, ὅτι οὐ πόρρω τῆσ γῆσ ὁ πλόοσ ἐγίνετο. ἀμφὶ δὲ μέσασ νύκτασ ἀναχθέντεσ πλώουσιν ἔστε ἐπὶ Κώκαλα, ἃ τοῦ αἰγιαλοῦ, ἔνθεν ὡρμήθησαν, ἀπεῖχε σταδίουσ διηκοσίουσ·

καὶ αἱ μὲν νέεσ σαλεύουσαι ὡρ́μεον, τὰ πληρώματα δὲ ἐκβιβάσασ Νέαρχοσ πρὸσ τῇ γῇ ηὐλίσθη, ὅτι ἐπὶ πολλὸν τεταλαιπωρηκότεσ ἐν τῇ θαλάσσῃ ἀναπαύσασθαι ἐπόθεον. στρατόπεδον δὲ περιεβάλετο τῶν βαρβάρων τῆσ φυλακῆσ εἵνεκα. ἐν τούτῳ τῷ χώρῳ Λεόννατοσ, ὅτῳ τὰ Ὠρειτέων ἐξ Ἀλεξάνδρου ἐπετέτραπτο, μάχῃ μεγάλῃ νικᾷ Ὠρείτασ τε καὶ ὅσοι Ὠρείτῃσι συνεπελάβοντο τοῦ ἔργου.

καὶ κτείνει αὐτῶν ἑξακισχιλίουσ, καὶ τοὺσ ἡγεμόνασ πάντασ· τῶν δὲ σὺν Λεοννάτῳ ἱππέεσ μὲν ἀποθνήσκουσι πεντεκαίδεκα, τῶν δὲ πεζῶν ἄλλοι τε οὐ πολλοὶ καὶ Ἀπολλοφάνησ ὁ Γαδρωσίων σατράπησ. ταῦτα μὲν δὴ ἐν τῇ ἄλλῃ συγγραφῇ ἀναγέγραπται, καὶ ὅκωσ Λεόννατοσ ἐπὶ τῷδε ἐστεφανώθη πρὸσ Ἀλεξάνδρου χρυσέῳ στεφάνῳ.

ἐνθαῦτα σῖτοσ ἦν νενημένοσ κατὰ πρόσταγμα Ἀλεξάνδρου ἐσ ἐπισιτισμὸν τῷ στρατῷ, καὶ ἐμβάλλονται σιτία ἡμερέων δέκα ἐσ τὰσ νέασ.

καὶ τῶν νεῶν ὅσαι ἐπεπονήκεσαν κατὰ τὸν πλόον μέχρι τοῦδε ἐπεσκεύασαν, καὶ τῶν ναυτέων ὅσοι ἐν τῷ ἔργῳ βλακεῦσαι ἐφαίνοντο Νεάρχῳ, τούτουσ μὲν πεζῇ ἄγειν Λεοννάτῳ ἔδωκεν, αὐτὸσ δὲ ἀπὸ τῶν σὺν Λεοννάτῳ στρατιωτέων συμπληροῖ τὸ ναυτικόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 23

(아리아노스, Indica, chapter 23)

상위

목록

SEARCH

MENU NAVIGATION