Arrian, Indica, chapter 20

(아리아노스, Indica, chapter 20)

Νεάρχῳ δὲ λέλεκται ὑπὲρ τούτων ὅδε ὁ λόγοσ· πόθον μὲν εἶναι Ἀλεξάνδρῳ ἐκπεριπλῶσαι τὴν θάλασσαν τὴν ἀπὸ Ἰνδῶν ἔστε ἐπὶ τὴν Περσικήν, ὀκνέειν δὲ αὐτὸν τοῦ τε πλόου τὸ μῆκοσ καὶ μή τινι ἄρα χώρῃ ἐρήμῃ ἐγκύρσασ ἢ ὁρ́μων ἀπόρῳ ἢ οὐ συμμέτρωσ ἐχούσῃ τῶν ὡρέων, οὕτω δὴ διαφθαρῇ αὐτῷ ὁ στόλοσ, καὶ οὐ φαύλη κηλὶσ αὕτη τοῖσιν ἔργοισιν αὐτοῦ τοῖσι μεγάλοισιν ἐπιγενομένη τὴν πᾶσαν εὐτυχίην αὐτῷ ἀφανίσῃ· ἀλλὰ ἐκνικῆσαι γὰρ αὐτῷ τὴν ἐπιθυμίην τοῦ καινόν τι αἰεὶ καὶ ἄτοπον ἐργάζεσθαι.

ἀπόρωσ δὲ ἔχειν ὅντινα οὐκ ἀδύνατόν τε ἐσ τὰ ἐπινοεύμενα ἐπιλέξαιτο, καὶ ἅμα τῶν ἐν νηὶ ἀνδρῶν, ὅκωσ τῶν τοιοῦτον στόλον στελλομένων ἀφελεῖ τὸ δεῖμα τοῦ δῆθεν ἠμελημένωσ αὐτοὺσ ἐσ προῦπτον κίνδυνον ἐκπέμπεσθαι.

λέγει δὲ Νέαρχοσ ἑωυτῷ ξυνοῦσθαι Ἀλέξανδρον ὅντινα προχειρίσηται ἐξηγέεσθαι τοῦ στόλου.

"ὦ βασιλεῦ, ἐγώ τοι ὑποδέκομαι ἐξηγήσεσθαι τοῦ στόλου, καὶ εἰ τὰ ἀπὸ τοῦ θείου συνεπιλαμβάνοιτο, περιάξω τοι σῴασ τὰσ νέασ καὶ τοὺσ ἀνθρώπουσ ἔστε ἐπὶ τὴν Περσίδα, εἰ δὴ πλωτόσ τέ ἐστιν ὁ ταύτῃ πόντοσ καὶ τὸ ἔργον οὐκ ἄπορον γνώμῃ ἀνθρωπίνῃ.

Ἀλέξανδρον δὲ λόγῳ μὲν οὐ φάναι ἐθέλειν ἐσ τοσήνδε ταλαιπωρίην καὶ τοσόνδε κίνδυνον τῶν τινα ἑωυτοῦ φίλων ἐμβάλλειν, αὐτὸσ δὲ ταύτῃ δὴ καὶ μᾶλλον οὐκ ἀνιέναι ἀλλὰ λιπαρέειν.

οὕτω δὴ ἀγαπῆσαί τε Ἀλέξανδρον τοῦ Νεάρχου τὴν προθυμίην, καὶ ἐπιστῆσαι αὐτὸν ἄρχειν τοῦ στόλου παντόσ.

καὶ τότε δὴ ἔτι μᾶλλον τῆσ στρατιῆσ ὅ τι περ ἐπὶ τῷ παραπλόῳ τῷδε ἐτάσσετο καὶ τὰσ ὑπηρεσίασ ἵλεω ἔχειν τὴν γνώμην, ὅτι δὴ Νέαρχόν γε οὔποτε ἂν Ἀλέξανδροσ προήκατο ἐσ κίνδυνον καταφανέα, εἰ μή σφι σωθήσεσθαι ἔμελλεν.

λαμπρότησ τε πολλὴ τῇ παρασκευῇ ἐπεοῦσα καὶ κόσμοσ τῶν νεῶν, καὶ σπουδαὶ τῶν τριηράρχων ἀμφὶ τὰσ ὑπηρεσίασ τε καὶ τὰ πληρώματα ἐκπρεπέεσ καὶ τοὺσ πάντη δὴ κατοκνέοντασ ἐσ ὁρμὴν ἅμα καὶ ἐλπίδασ χρηστοτέρασ ὑπὲρ τοῦ παντὸσ ἔργου ἐπηρκότα ἦν.

πολλὸν δὲ δὴ συνεπιλαβέσθαι ἐσ εὐθυμίην τῇ στρατιῇ τὸ δὴ αὐτὸν Ἀλέξανδρον ὁρμηθέντα κατὰ τοῦ Ἰνδοῦ τὰ στόματα ἀμφότερα ἐκπλῶσαι ἐσ τὸν πόντον, σφάγιά τε Ποσειδῶνι ἐντεμεῖν καὶ ὅσοι ἄλλοι θεοὶ θαλάσσιοι, καὶ δῶρα μεγαλοπρεπέα τῇ θαλάσσῃ χαρίσασθαι.

τῇ τε ἄλλῃ τῇ Ἀλεξάνδρου παραλόγῳ εὐτυχίῃ πεποιθότασ οὐδὲν ὅ τι οὐ τολμητόν τε ἐκείνῳ καὶ ἐπικτὸν ἡγέεσθαι.

SEARCH

MENU NAVIGATION