헬라어 문장 검색 - Αρριαν́Ινδιξά20́

(아리아노스, Indica, chapter 20)

Νεάρχῳ δὲ λέλεκται ὑπὲρ τούτων ὅδε ὁ λόγοσ· πόθον μὲν εἶναι Ἀλεξάνδρῳ ἐκπεριπλῶσαι τὴν θάλασσαν τὴν ἀπὸ Ἰνδῶν ἔστε ἐπὶ τὴν Περσικήν, ὀκνέειν δὲ αὐτὸν τοῦ τε πλόου τὸ μῆκοσ καὶ μή τινι ἄρα χώρῃ ἐρήμῃ ἐγκύρσασ ἢ ὁρ́μων ἀπόρῳ ἢ οὐ συμμέτρωσ ἐχούσῃ τῶν ὡρέων, οὕτω δὴ διαφθαρῇ αὐτῷ ὁ στόλοσ, καὶ οὐ φαύλη κηλὶσ αὕτη τοῖσιν ἔργοισιν αὐτοῦ τοῖσι μεγάλοισιν ἐπιγενομένη τὴν πᾶσαν εὐτυχίην αὐτῷ ἀφανίσῃ· ἀλλὰ ἐκνικῆσαι γὰρ αὐτῷ τὴν ἐπιθυμίην τοῦ καινόν τι αἰεὶ καὶ ἄτοπον ἐργάζεσθαι.

ἀπόρωσ δὲ ἔχειν ὅντινα οὐκ ἀδύνατόν τε ἐσ τὰ ἐπινοεύμενα ἐπιλέξαιτο, καὶ ἅμα τῶν ἐν νηὶ ἀνδρῶν, ὅκωσ τῶν τοιοῦτον στόλον στελλομένων ἀφελεῖ τὸ δεῖμα τοῦ δῆθεν ἠμελημένωσ αὐτοὺσ ἐσ προῦπτον κίνδυνον ἐκπέμπεσθαι.

λέγει δὲ Νέαρχοσ ἑωυτῷ ξυνοῦσθαι Ἀλέξανδρον ὅντινα προχειρίσηται ἐξηγέεσθαι τοῦ στόλου.

"ὦ βασιλεῦ, ἐγώ τοι ὑποδέκομαι ἐξηγήσεσθαι τοῦ στόλου, καὶ εἰ τὰ ἀπὸ τοῦ θείου συνεπιλαμβάνοιτο, περιάξω τοι σῴασ τὰσ νέασ καὶ τοὺσ ἀνθρώπουσ ἔστε ἐπὶ τὴν Περσίδα, εἰ δὴ πλωτόσ τέ ἐστιν ὁ ταύτῃ πόντοσ καὶ τὸ ἔργον οὐκ ἄπορον γνώμῃ ἀνθρωπίνῃ.

Ἀλέξανδρον δὲ λόγῳ μὲν οὐ φάναι ἐθέλειν ἐσ τοσήνδε ταλαιπωρίην καὶ τοσόνδε κίνδυνον τῶν τινα ἑωυτοῦ φίλων ἐμβάλλειν, αὐτὸσ δὲ ταύτῃ δὴ καὶ μᾶλλον οὐκ ἀνιέναι ἀλλὰ λιπαρέειν.

οὕτω δὴ ἀγαπῆσαί τε Ἀλέξανδρον τοῦ Νεάρχου τὴν προθυμίην, καὶ ἐπιστῆσαι αὐτὸν ἄρχειν τοῦ στόλου παντόσ.

καὶ τότε δὴ ἔτι μᾶλλον τῆσ στρατιῆσ ὅ τι περ ἐπὶ τῷ παραπλόῳ τῷδε ἐτάσσετο καὶ τὰσ ὑπηρεσίασ ἵλεω ἔχειν τὴν γνώμην, ὅτι δὴ Νέαρχόν γε οὔποτε ἂν Ἀλέξανδροσ προήκατο ἐσ κίνδυνον καταφανέα, εἰ μή σφι σωθήσεσθαι ἔμελλεν.

λαμπρότησ τε πολλὴ τῇ παρασκευῇ ἐπεοῦσα καὶ κόσμοσ τῶν νεῶν, καὶ σπουδαὶ τῶν τριηράρχων ἀμφὶ τὰσ ὑπηρεσίασ τε καὶ τὰ πληρώματα ἐκπρεπέεσ καὶ τοὺσ πάντη δὴ κατοκνέοντασ ἐσ ὁρμὴν ἅμα καὶ ἐλπίδασ χρηστοτέρασ ὑπὲρ τοῦ παντὸσ ἔργου ἐπηρκότα ἦν.

πολλὸν δὲ δὴ συνεπιλαβέσθαι ἐσ εὐθυμίην τῇ στρατιῇ τὸ δὴ αὐτὸν Ἀλέξανδρον ὁρμηθέντα κατὰ τοῦ Ἰνδοῦ τὰ στόματα ἀμφότερα ἐκπλῶσαι ἐσ τὸν πόντον, σφάγιά τε Ποσειδῶνι ἐντεμεῖν καὶ ὅσοι ἄλλοι θεοὶ θαλάσσιοι, καὶ δῶρα μεγαλοπρεπέα τῇ θαλάσσῃ χαρίσασθαι.

τῇ τε ἄλλῃ τῇ Ἀλεξάνδρου παραλόγῳ εὐτυχίῃ πεποιθότασ οὐδὲν ὅ τι οὐ τολμητόν τε ἐκείνῳ καὶ ἐπικτὸν ἡγέεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 20

(아리아노스, Indica, chapter 20)

상위

목록

SEARCH

MENU NAVIGATION