헬라어 문장 검색 - Αρριαν́Ινδιξά19́

(아리아노스, Indica, chapter 19)

ὡσ δὲ πάντα ἐξήρτυτο αὐτῷ ἐσ ἀναγωγήν, Κράτερον μὲν τὰ ἐπὶ θάτερα τοῦ Ὑδάσπεω ἐπιέναι σὺν στρατιῇ ἐκέλευσε πεζικῇ τε καὶ ἱππικῇ· ἐσ τὸ ἐπὶ θάτερα δὲ Ἡφαιστίων αὐτῷ προεπορεύετο, σὺν ἄλλῃ στρατιῇ πλείονι ἔτι τῆσ Κρατέρῳ συντεταγμένησ. καὶ τοὺσ ἐλέφαντασ Ἡφαιστίων αὐτῷ ἦγεν, ὄντασ ἐσ διηκοσίουσ. αὐτὸσ δὲ τούσ τε ὑπασπιστὰσ καλεομένουσ ἅμα οἷ ἦγε καὶ τοὺσ τοξότασ πάντασ καὶ τῶν ἱππέων τοὺσ ἑταίρουσ καλεομένουσ, τοὺσ πάντασ ἐσ ὀκτακισχιλίουσ.

τοῖσι μὲν δὴ ἀμφὶ Κράτερον καὶ Ἡφαιστίωνα ἐτέτακτο ἵνα προπορευθέντεσ ὑπομένοιεν τὸν στόλον.

Φίλιππον δέ, ὅσ αὐτῷ σατράπησ τῆσ χώρησ ταύτησ ἦν, ἐπὶ τοῦ Ἀκεσίνου ποταμοῦ τὰσ ὄχθασ πέμπει, ἅμα στρατιῇ πολλῇ καὶ τοῦτον·

ἤδη γὰρ καὶ δώδεκα μυριάδεσ αὐτῷ μαχιμοι εἵποντο σὺν οἷσιν ἀπὸ θαλάσσησ τε αὐτὸσ ἀνήγαγε καὶ αὖθισ οἱ ἐπὶ συλλογῇ αὐτῷ στρατιῆσ πεμφθέντεσ ἧκον ἔχοντεσ, παντοῖα ἔθνεα βαρβαρικὰ ἅμα οἷ ἄγοντι καὶ πᾶσαν ἰδέην ὡπλισμένα.

αὐτὸσ δὲ ἄρασ τῇσι νηυσὶ κατέπλωε κατὰ τὸν Ὑδάσπεα ἔστε ἐπὶ τοῦ Ἀκεσίνου τε καὶ τοῦ Ὑδάσπεω τὰσ συμβολάσ.

νέεσ δὲ αἱ σύμπασαι αὐτῷ ὀκτακόσιαι ἦσαν, αἵ τε μακραὶ καὶ ὅσα στρογγύλα πλοῖα καὶ ἄλλαι ἱππαγωγοὶ καὶ σιτία ἅμα τῇ στρατιῇ ἄγουσαι.

ὅκωσ μὲν δὴ κατὰ τοὺσ ποταμοὺσ κατέπλωσεν αὐτῷ ὁ στόλοσ, καὶ ὅσα ἐν τῷ παραπλόῳ ἔθνεα κατεστρέψατο, καὶ ὅκωσ διὰ κινδύνου αὐτὸσ ἐν Μαλλοῖσιν ἧκε, καὶ τὸ τρῶμα ὃ ἐτρώθη ἐν Μαλλοῖσι, καὶ Πευκέστασ τε καὶ Λεόννατοσ ὅκωσ ὑπερήσπισαν αὐτὸν πεσόντα, πάντα ταῦτα λέλεκταί μοι ἤδη ἐν τῇ ἄλλῃ τῇ Ἀττικῇ συγγραφῇ.

ὁ δὲ λόγοσ ὅδε τοῦ παραπλόου μοι ἀπήγησίσ ἐστιν, ὃν Νέαρχοσ σὺν τῷ στόλῳ παρέπλωσεν ἀπὸ τοῦ Ἰνδοῦ τῶν ἐκβολέων ὁρμηθεὶσ κατὰ τὴν θάλασσαν τὴν μεγάλην ἔστε ἐπὶ τὸν κόλπον τὸν Περσικόν, ἣν δὴ Ἐρυθρὴν θάλασσαν μετεξέτεροι καλέουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Indica, chapter 19

(아리아노스, Indica, chapter 19)

상위

목록

SEARCH

MENU NAVIGATION