Arrian, Indica, chapter 18

(아리아노스, Indica, chapter 18)

Ἀλέξανδροσ γάρ, ἐπειδή οἱ παρεσκεύαστο τὸ ναυτικὸν ἐπὶ τοῦ Ὑδάσπεω τῇσιν ὄχθῃσιν, ἐπιλεγόμενοσ ὅσοι τε Φοίνικεσ καὶ ὅσοι Κύπριοι καὶ Αἰγύπτιοι εἵποντο ἐν τῇ ἄνω στρατηλασίῃ, ἐκ τούτων ἐπλήρου τὰσ νέασ, ὑπηρεσίασ τε αὐτῇσι καὶ ἐρέτασ ἐπιλεγόμενοσ ὅσοι τῶν θαλασσίων ἔργων δαήμονεσ. ἦσαν δὲ καὶ νησιῶται ἄνδρεσ οὐκ ὀλίγοι ἐν τῇ στρατιῇ, οἷσι ταῦτα ἔμελε, καὶ Ιὤνεσ καὶ Ἑλλησπόντιοι.

τριήραρχοι δὲ αὐτοῖσιν ἐπεστάθησαν ἐκ Μακεδόνων μὲν Ἡφαιστίων τε ὁ Ἀμύντοροσ, καὶ Λεόννατοσ ὁ Ἀντέου, καὶ Λυσίμαχοσ ὁ Ἀγαθοκλέοσ, καὶ Ἀσκληπιόδωροσ ὁ Τιμάνδρου, καὶ Ἄρχων ὁ Κλεινίεω, καὶ Δημόνικοσ ὁ Ἀθηναίου, καὶ Ἀρχίησ ὁ Ἀναξιδότεω, καὶ Ὀφέλασ ὁ Σειληνοῦ, καὶ Τιμάνθησ ὁ Παντιάδεω.

οὗτοι μὲν Πελλαῖοι· ἐκ δὲ Ἀμφιπόλιοσ ἦγον οἵδε· Νέαρχοσ ὁ Ἀνδροτίμου, ὃσ τὰ ἀμφὶ τῷ παραπλόῳ ἀνέγραψε·

καὶ Λαομέδων ὁ Λαρίχου, καὶ Ἀνδροσθένησ ὁ Καλλιστράτου· ἐκ δὲ τῆσ Ὀρεστίδοσ Κράτερόσ τε ὁ Ἀλεξάνδρου, καὶ Περδίκκασ ὁ Ὀρόντεω·

Εὀρδαῖοι δὲ Πτολεμαῖόσ τε ὁ Λάγου καὶ Ἀριστόνοοσ ὁ Πισαίου. ἐκ Πύδνησ δὲ Μήτρων τε ὁ Ἐπιχάρμου καὶ Νικαρχίδησ ὁ Σίμου. ἐπὶ δὲ Ἄτταλόσ τε ὁ Ἀνδρομένεοσ Τυμφαῖοσ, καὶ Πευκέστασ ὁ Ἀλεξάνδρου, Μιεζεύσ, καὶ Πείθων ὁ Κρατεύα, Ἀλκομενεύσ, καὶ Λεόννατοσ ὁ Ἀντιπάτρου Αἰγαῖοσ, καὶ Πάνταυχοσ ὁ Νικολάου Ἀλωρίτησ, καὶ Μυλλέασ ὁ Ζωΐλου Βεροιαῖοσ.

οὗτοι μὲν οἱ σύμπαντεσ Μακεδόνεσ· Ἑλλήνων δὲ Μήδιοσ μὲν ὁ Ὀξυθέμιδοσ Λαρισαῖοσ, Εὐμένησ δὲ ὁ Ιἑρωνύμου ἐκ Καρδίησ, Κριτόβουλοσ δὲ δ Πλάτωνοσ Κῷοσ καὶ Θόασ ὁ Μηνοδώρου καὶ Μαίανδροσ ὁ Μανδρογένεοσ Μάγνητεσ.

Ἄνδρων δὲ ὁ Καβήλεω Τήιοσ, Κυπρίων δὲ Νικοκλέησ ὁ Πασικράτεοσ Σόλιοσ, καὶ Νιθάφων ὁ Πνυταγόρεω Σαλαμίνιοσ.

ἦν δὲ δὴ καὶ Πέρσησ αὐτῷ τριήραρχοσ, Βαγώασ ὁ Φαρνούχεω. τῆσ δὲ αὐτοῦ Ἀλεξάνδρου νεὸσ κυβερνήτησ ἦν Ὀνησίκριτοσ Ἀστυπαλαιεύσ, γραμματεὺσ δὲ τοῦ στόλου παντὸσ Εὐαγόρασ ὁ Εὐκλέωνοσ Κορίνθιοσ.

ναύαρχοσ δὲ αὐτοῖσιν ἐπεστάθη Νέαρχοσ ὁ Ἀνδροτίμου, τὸ γένοσ μὲν Κρὴσ ὁ Νέαρχοσ, ᾤκεε δὲ ἐν Ἀμφιπόλι τῇ ἐπὶ Στρυμόνι.

ὡσ δὲ ταῦτα ἐκεκόσμητο Ἀλεξάνδρῳ, ἔθυε τοῖσι θεοῖσιν ὅσοι γε πάτριοι ἢ μαντευτοὶ αὐτῷ, καὶ Ποσειδῶνι καὶ Ἀμφιτρίτῃ καὶ Νηρηίσι καὶ αὐτῷ τῷ Ὠκεανῷ, καὶ τῷ Ὑδάσπῃ ποταμῷ, ἀπ̓ ὅτου ὡρμᾶτο, καὶ τῷ Ἀκεσίνῃ, ἐσ ὅντινα ἐκδιδοῖ Ὑδάσπησ, καὶ τῷ Ἰνδῷ, ἐσ ὅντινα ἄμφω ἐκδιδοῦσιν·

ἀγῶνέσ τε αὐτῷ μουσικοί τε καὶ γυμνικοὶ ἐποιεῦντο, καὶ ἱερήϊα τῇ στρατιῇ πάσῃ κατὰ τέλεα ἐδίδοτο.

SEARCH

MENU NAVIGATION