헬라어 문장 검색 - Αρριαν́Ινδιξά18́

(아리아노스, Indica, chapter 18)

Ἀλέξανδροσ γάρ, ἐπειδή οἱ παρεσκεύαστο τὸ ναυτικὸν ἐπὶ τοῦ Ὑδάσπεω τῇσιν ὄχθῃσιν, ἐπιλεγόμενοσ ὅσοι τε Φοίνικεσ καὶ ὅσοι Κύπριοι καὶ Αἰγύπτιοι εἵποντο ἐν τῇ ἄνω στρατηλασίῃ, ἐκ τούτων ἐπλήρου τὰσ νέασ, ὑπηρεσίασ τε αὐτῇσι καὶ ἐρέτασ ἐπιλεγόμενοσ ὅσοι τῶν θαλασσίων ἔργων δαήμονεσ. ἦσαν δὲ καὶ νησιῶται ἄνδρεσ οὐκ ὀλίγοι ἐν τῇ στρατιῇ, οἷσι ταῦτα ἔμελε, καὶ Ιὤνεσ καὶ Ἑλλησπόντιοι.

τριήραρχοι δὲ αὐτοῖσιν ἐπεστάθησαν ἐκ Μακεδόνων μὲν Ἡφαιστίων τε ὁ Ἀμύντοροσ, καὶ Λεόννατοσ ὁ Ἀντέου, καὶ Λυσίμαχοσ ὁ Ἀγαθοκλέοσ, καὶ Ἀσκληπιόδωροσ ὁ Τιμάνδρου, καὶ Ἄρχων ὁ Κλεινίεω, καὶ Δημόνικοσ ὁ Ἀθηναίου, καὶ Ἀρχίησ ὁ Ἀναξιδότεω, καὶ Ὀφέλασ ὁ Σειληνοῦ, καὶ Τιμάνθησ ὁ Παντιάδεω.

οὗτοι μὲν Πελλαῖοι· ἐκ δὲ Ἀμφιπόλιοσ ἦγον οἵδε· Νέαρχοσ ὁ Ἀνδροτίμου, ὃσ τὰ ἀμφὶ τῷ παραπλόῳ ἀνέγραψε·

καὶ Λαομέδων ὁ Λαρίχου, καὶ Ἀνδροσθένησ ὁ Καλλιστράτου· ἐκ δὲ τῆσ Ὀρεστίδοσ Κράτερόσ τε ὁ Ἀλεξάνδρου, καὶ Περδίκκασ ὁ Ὀρόντεω·

Εὀρδαῖοι δὲ Πτολεμαῖόσ τε ὁ Λάγου καὶ Ἀριστόνοοσ ὁ Πισαίου. ἐκ Πύδνησ δὲ Μήτρων τε ὁ Ἐπιχάρμου καὶ Νικαρχίδησ ὁ Σίμου. ἐπὶ δὲ Ἄτταλόσ τε ὁ Ἀνδρομένεοσ Τυμφαῖοσ, καὶ Πευκέστασ ὁ Ἀλεξάνδρου, Μιεζεύσ, καὶ Πείθων ὁ Κρατεύα, Ἀλκομενεύσ, καὶ Λεόννατοσ ὁ Ἀντιπάτρου Αἰγαῖοσ, καὶ Πάνταυχοσ ὁ Νικολάου Ἀλωρίτησ, καὶ Μυλλέασ ὁ Ζωΐλου Βεροιαῖοσ.

οὗτοι μὲν οἱ σύμπαντεσ Μακεδόνεσ· Ἑλλήνων δὲ Μήδιοσ μὲν ὁ Ὀξυθέμιδοσ Λαρισαῖοσ, Εὐμένησ δὲ ὁ Ιἑρωνύμου ἐκ Καρδίησ, Κριτόβουλοσ δὲ δ Πλάτωνοσ Κῷοσ καὶ Θόασ ὁ Μηνοδώρου καὶ Μαίανδροσ ὁ Μανδρογένεοσ Μάγνητεσ.

Ἄνδρων δὲ ὁ Καβήλεω Τήιοσ, Κυπρίων δὲ Νικοκλέησ ὁ Πασικράτεοσ Σόλιοσ, καὶ Νιθάφων ὁ Πνυταγόρεω Σαλαμίνιοσ.

ἦν δὲ δὴ καὶ Πέρσησ αὐτῷ τριήραρχοσ, Βαγώασ ὁ Φαρνούχεω. τῆσ δὲ αὐτοῦ Ἀλεξάνδρου νεὸσ κυβερνήτησ ἦν Ὀνησίκριτοσ Ἀστυπαλαιεύσ, γραμματεὺσ δὲ τοῦ στόλου παντὸσ Εὐαγόρασ ὁ Εὐκλέωνοσ Κορίνθιοσ.

ναύαρχοσ δὲ αὐτοῖσιν ἐπεστάθη Νέαρχοσ ὁ Ἀνδροτίμου, τὸ γένοσ μὲν Κρὴσ ὁ Νέαρχοσ, ᾤκεε δὲ ἐν Ἀμφιπόλι τῇ ἐπὶ Στρυμόνι.

ὡσ δὲ ταῦτα ἐκεκόσμητο Ἀλεξάνδρῳ, ἔθυε τοῖσι θεοῖσιν ὅσοι γε πάτριοι ἢ μαντευτοὶ αὐτῷ, καὶ Ποσειδῶνι καὶ Ἀμφιτρίτῃ καὶ Νηρηίσι καὶ αὐτῷ τῷ Ὠκεανῷ, καὶ τῷ Ὑδάσπῃ ποταμῷ, ἀπ̓ ὅτου ὡρμᾶτο, καὶ τῷ Ἀκεσίνῃ, ἐσ ὅντινα ἐκδιδοῖ Ὑδάσπησ, καὶ τῷ Ἰνδῷ, ἐσ ὅντινα ἄμφω ἐκδιδοῦσιν·

ἀγῶνέσ τε αὐτῷ μουσικοί τε καὶ γυμνικοὶ ἐποιεῦντο, καὶ ἱερήϊα τῇ στρατιῇ πάσῃ κατὰ τέλεα ἐδίδοτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 18

(아리아노스, Indica, chapter 18)

상위

목록

SEARCH

MENU NAVIGATION