Arrian, Indica, chapter 16

(아리아노스, Indica, chapter 16)

ἐσθῆτι δὲ Ἰνδοὶ λινέῃ χρέονται, κατάπερ λέγει Νέαρχοσ, λίνου τοῦ ἀπὸ τῶν δενδρέων, ὑπὲρ ὅτων μοι ἤδη λέλεκται. τὸ δὲ λίνον τοῦτο ἢ λαμπρότερον τὴν χροιήν ἐστιν ἄλλου λίνου παντόσ,. ἢ μέλανεσ αὐτοὶ ἐόντεσ λαμπρότερον τὸ λίνον φαίνεσθαι ποιέουσιν. ἔστι δὲ κιθὼν λίνεοσ αὐτοῖσιν ἔστε ἐπὶ μέσην τὴν κνήμην, νῆμα δὲ τὸ μὲν τοῖσιν ὤμοισι περιβεβλημένον, τὸ δὲ περὶ τῇσι κεφαλῇσιν εἰλιγμένον.

καὶ ἐνώτια Ἰνδοὶ φορέουσιν ἐλέφαντοσ, ὅσοι κάρτα εὐδαίμονεσ·

οὐ γὰρ πάντεσ Ἰνδοὶ φορέουσι. τοὺσ δὲ πώγωνασ λέγει Νέαρχοσ ὅτι βάπτονται Ἰνδοὶ χροιὴν ἄλλην καὶ ἄλλην, οἳ μέν, ὡσ λευκοὺσ φαίνεσθαι οἱούσ λευκοτάτουσ, οἳ δὲ κυανέουσ·

τοῖσι δὲ φοινικέουσ εἶναι, τοῖσι δὲ καὶ πορφυρέουσ, ἄλλοισι πρασοειδέασ· καὶ σκιάδια ὅτι προβάλλονται τοῦ θέρεοσ ὅσοι οὔκ ἠμελημένοι Ἰνδῶν.

ὑποδήματα δὲ λευκοῦ δέρματοσ φορέουσι, περισσῶσ καὶ ταῦτα ἠσκημένα· καὶ τὰ ἴχνεα τῶν ὑποδημάτων αὐτοῖσι ποικίλα καὶ ὑψηλά, τοῦ μέζονασ φαίνεσθαι. ὁπλίσιοσ δὲ τῆσ Ἰνδῶν οὐκ ὡυτὸσ εἷσ τρόποσ, ἀλλὰ οἱ μὲν πεζοὶ αὐτοῖσι τόξον τε ἔχουσιν, ἰσόμηκεσ τῷ φορέοντι τὸ τόξον, καὶ τοῦτο κάτω ἐπὶ τὴν γῆν θέντεσ καὶ τῷ ποδὶ τῷ ἀριστερῷ ἀντιβάντεσ, οὕτωσ ἐκτοξεύουσι, τὴν νευρὴν ἐπὶ μέγα ὀπίσω ἀπαγαγόντεσ·

ὁ γὰρ ὀιστὸσ αὐτοῖσιν ὀλίγον ἀποδέων τριπήχεοσ, οὐδέ τι ἀντέχει τοξευθὲν πρὸσ Ἰνδοῦ ἀνδρὸσ τοξικοῦ, οὔτε ἀσπὶσ οὔτε θώρηξ οὔτε εἴ τι καρτερώτερον ἐγένετο.

ἐν δὲ τῇσιν ἀριστερῇσι πέλται εἰσὶν αὐτοῖσιν ὠμοβόιναι, στεινότεραι μὲν ἢ κατὰ τοὺσ φορέοντασ, μήκεϊ δὲ οὐ πολλὸν ἀποδέουσαι.

τοῖσι δὲ ἄκοντεσ ἀντὶ τόξων εἰσί. μάχαιραν δὲ πάντεσ φορέουσι, πλατέαν δὲ καὶ τὸ μῆκοσ οὐ μέζω τριπήχεοσ·

καὶ ταύτην, ἐπεὰν συστάδην καταστῇ αὐτοῖσιν ἡ μάχη ‐ τὸ δὲ οὐκ εὐμαρέωσ Ἰνδοῖσιν ἐσ ἀλλήλουσ γίνεται ‐ ἀμφοῖν τοῖν χεροῖν καταφέρουσιν, τοῦ καρτερὴν τὴν πληγὴν γενέσθαι. οἱ δὲ ἱππέεσ αὐτοῖσιν ἀκόντια δύο ἔχουσιν, οἱᾶ τὰ σαύνια ἀκόντια, καὶ πέλτην σμικροτέρην τῶν πεζῶν.

οἱ δὲ ἵπποι αὐτοῖσιν οὐ σεσαγμένοι εἰσίν, οὐδὲ χαλινοῦνται τοῖσιν Ἑλληνικοῖσι χαλινοῖσιν ἢ τοῖσι Κελτικοῖσιν ἐμφερέωσ, ἀλλὰ περὶ ἄκρῳ τῷ στόματι ἐν κύκλῳ ἔχουσι δέρμα ὠμοβόινον ῥαπτὸν περιηρτημένον, καὶ ἐν τούτῳ χάλκεα κέντρα ἢ σιδήρεα, οὐ κάρτα ὀξέα, ἔσω ἐστραμμένα· τοῖσι δὲ πλουσίοισιν ἐλεφάντινα κέντρα ἐστίν.

ἐν δὲ τῷ στόματι σίδηρον αὐτοῖσιν οἱ ἵπποι ἔχουσιν, οἱο͂́ν περ ὀβελόν, ἔνθεν ἐξηρτημένοι εἰσὶν αὐτοῖσιν οἱ ῥυτῆρεσ· ἐπεὰν ὦν ἐπαγάγωσι τὸν ῥυτῆρα, ὅ τε ὀβελὸσ κρατέει τὸν ἵππον, καὶ τὰ κέντρα, οἱᾶ δὴ ἐξ αὐτοῦ ἠρτημένα, κεντέοντα οὐκ ἐᾷ ἄλλο τι ἢ πείθεσθαι τῷ ῥυτῆρι.

SEARCH

MENU NAVIGATION