헬라어 문장 검색 - Αρριαν́Ινδιξά15́

(아리아노스, Indica, chapter 15)

τοῦ δὲ ἐλέφαντοσ τὴν τίγριν πολλόν τι ἀλκιμωτέρην Ἰνδοὶ ἄγουσι. τίγριοσ δὲ δορὴν μὲν ἰδεῖν λέγει Νέαρχοσ, αὐτὴν δὲ τίγριν οὐκ ἰδεῖν· ἀλλὰ τοὺσ Ἰνδοὺσ γὰρ ἀπηγέεσθαι, τίγριν εἶναι μέγαθοσ μὲν ἡλίκον τὸν μέγιστον ἵππον, τὴν δὲ ὠκύτητα καὶ ἀλκὴν οἱήν οὐδενὶ ἄλλῳ εἰκάσαι· ἐπεὰν γὰρ ὁμοῦ ἔλθῃ ἐλέφαντι, ἐπιπηδᾶν τε ἐπὶ τὴν κεφαλὴν τοῦ ἐλέφαντοσ καὶ ἄγχειν εὐπετέωσ.

ταύτασ δέ, ἅστινασ καὶ ἡμεῖσ ὁρέομεν καὶ τίγριασ καλέομεν, θῶασ εἶναι αἰόλουσ καὶ μέζονασ ἤπερ τοὺσ ἄλλουσ θῶασ.

ἐπεὶ καὶ ὑπὲρ τῶν μυρμήκων λέγει Νέαρχοσ μύρμηκα μὲν αὐτὸσ οὐκ ἰδέειν, ὁκοῖον δή τινα μετεξέτεροι διέγραψαν γίνεσθαι ἐν τῇ Ἰνδῶν γῇ, δορὰσ δὲ καὶ τούτων ἰδεῖν πολλὰσ ἐσ τὸ στρατόπεδον κατακομισθείσασ τὸ Μακεδονικόν.

Μεγασθένησ δὲ ἀτρεκέα εἶναι ὑπὲρ τῶν μυρμήκων τὸν λόγον ἱστορέει, τούτουσ εἶναι τοὺσ τὸν χρυσὸν ὀρύσσοντασ, οὐκ αὐτοῦ τοῦ χρυσοῦ εἵνεκα, ἀλλὰ φύσι γὰρ κατὰ τῆσ γῆσ ὀρύσσουσιν, ἵνα φωλεύωσι, κατάπερ οἱ ἡμέτεροι οἱ σμικροὶ μύρμηκεσ ὀλίγον τῆσ γῆσ ὀρύσσουσιν.

ἐκείνουσ δέ ‐ εἶναι γὰρ ἀλωπέκων μέζονασ ‐ πρὸσ λόγον τοῦ μεγάθεοσ σφῶν καὶ τὴν γῆν ὀρύσσειν·

τὴν δὲ γῆν χρυσῖτιν εἶναι, καὶ ἀπὸ ταύτησ γίνεσθαι Ἰνδοῖσι τὸν χρυσόν. ἀλλὰ Μεγασθένησ τε ἀκοὴν ἀπηγέεται, καὶ ἐγὼ ὅτι οὐδὲν τούτου ἀτρεκέστερον ἀναγράψαι ἔχω, ἀπίημι ἑκὼν τὸν ὑπὲρ τῶν μυρμήκων λόγον.

σιττακοὺσ δὲ Νέαρχοσ μὲν ὡσ δή τι θῶμα ἀπηγέεται ὅτι γίνονται ἐν τῇ Ἰνδῶν τῇ, καὶ ὁκοῖοσ ὄρνισ ἐστὶν ὁ σιττακόσ, καὶ ὅκωσ φωνὴν ἱεί ἀνθρωπίνην.

ἐγὼ δὲ ὅτι αὐτόσ τε πολλοὺσ ὀπώπεα καὶ ἄλλουσ ἐπισταμένουσ ᾔδεα τὸν ὄρνιθα, οὐδὲν ὡσ ὑπὲρ ἀτόπου δῆθεν ἀπηγήσομαι·

οὐδὲ ὑπὲρ τῶν πιθήκων τοῦ μεγάθεοσ, ἢ ὅτι καλοὶ παῤ Ἰνδοῖσι πίθηκοί εἰσιν, οὐδὲ ὅκωσ θηρέονται ἐρέω. καὶ γὰρ ταῦτα γνώριμα ἐρέω, πλήν γε δὴ ὅτι καλοί κου πίθηκοί εἰσι. καὶ ὄφιασ δὲ λέγει Νέαρχοσ θηρευθῆναι αἰόλουσ μὲν καὶ ταχέασ, μέγαθοσ δέ, ὃν μὲν λέγει ἑλεῖν Πείθωνα τὸν Ἀντιγένεοσ, πήχεων ὡσ ἑκκαίδεκα·

αὐτοὺσ δὲ τοὺσ Ἰνδοὺσ πολὺ μέζονασ τούτων λέγειν εἶναι τοὺσ μεγίστουσ ὄφιασ. ὅσοι δὲ ἰητροὶ Ἕλληνεσ, τούτοισιν οὐδὲν ἄκοσ ἐξεύρητο ὅστισ ὑπὸ ὄφιοσ δηχθείη Ἰνδικοῦ·

ἀλλὰ αὐτοὶ γὰρ οἱ Ἰνδοὶ ἰῶντο τοὺσ πληγέντασ. καὶ ἐπὶ τῷδε Νέαρχοσ λέγει ὅτι συλλελεγμένουσ ἀμφ̓ ἑωυτὸν εἶχεν Ἀλέξανδροσ Ἰνδῶν ὅσοι ἰητρικὴν σοφώτατοι, καὶ ἐκεκήρυκτο ἀνὰ τὸ στρατόπεδον, ὅστισ δηχθείη, ἐπὶ τὴν σκηνὴν φοιτᾶν τὴν τοῦ βασιλέοσ. οἱ δὲ αὐτοὶ οὗτοι καὶ τῶν ἄλλων νούσων τε καὶ παθέων ἰητροὶ ἦσαν.

οὐ πολλὰ δὲ ἐν Ἰνδοῖσι πάθεα γίνεται, ὅτι αἱ ὡρ͂αι σύμμετροί εἰσιν αὐτόθι· εἰ δέ τι μέζον καταλαμβάνοι, τοῖσι σοφιστῇσιν ἀνεκοινοῦντο· καὶ ἐκεῖνοι οὐκ ἄνευ θεοῦ ἐδόκεον ἰῆσθαι ὅ τι περ ἰήσιμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 15

(아리아노스, Indica, chapter 15)

상위

목록

SEARCH

MENU NAVIGATION