Arrian, Indica, chapter 14

(아리아노스, Indica, chapter 14)

ἤδη ἄγονται πρὸσ τῶν ἡμέρων. ὅσοι δὲ νήπιοι αὐτῶν ἢ διὰ κακότητα οὐκ ἄξιοι ἐκτῆσθαι, τούτουσ ἐῶσιν ἀπαλλάσσεσθαι ἐσ τὰ σφέτερα ἤθεα. οἳ δὲ ὑπὸ ἀθυμίησ οὐκ ἐθέλουσιν οὐδὲν σιτέεσθαι, τοὺσ δὲ περιιστάμενοι οἱ Ἰνδοὶ ᾠδῇσί τε καὶ τυμπάνοισι καὶ κυμβάλοισιν κρούοντέσ τε καὶ ἐπᾴδοντεσ κατευνάζουσι.

θυμόσοφον γὰρ εἴπερ τι ἄλλο θηρίον ἐλέφασ, καί τινεσ ἤδη αὐτῶν τοὺσ ἀμβάτασ σφῶν ἐν πολέμῳ ἀποθανόντασ ἄραντεσ αὐτοὶ ἐξήνεγκαν ἐσ ταφήν, οἳ δὲ καὶ ὑπερήσπισαν κειμένουσ, οἳ δὲ καὶ πεσόντων προεκινδύνευσαν, ὃ δέ τισ πρὸσ ὀργὴν ἀποκτείνασ τὸν ἀμβάτην ὑπὸ μετανοίησ τε καὶ ἀθυμίησ ἀπέθανεν.

εἶδον δὲ ἐγὼ καὶ κυμβαλίζοντα ἤδη ἐλέφαντα καὶ ἄλλουσ ὀρχεομένουσ, κυμβάλου τῷ κυμβαλίζοντι πρὸσ τοῖν σκελοῖν τοῖν ἔμπροσθε προσηρτημένου, καὶ πρὸσ τῇ προβοσκίδι καλεομένῃ ἄλλο κύμβαλον·

ὃ δὲ ἐν μέρεϊ τῇ προβοσκίδι ἔκρουε τὸ κύμβαλον ἐν ῥυθμῷ πρὸσ ἑκατέροιν τοῖν σκελοῖν, οἳ δὲ ὀρχεόμενοι ἐν κύκλῳ τε ἐχόρευον, καὶ ἐπαίροντέσ τε καὶ ἐπικάμπτοντεσ τὰ ἔμπροσθε σκέλεα ἐν τῷ μέρεϊ ἐν ῥυθμῷ καὶ οὗτοι ἔβαινον, κατ̓ ὅτι ὁ κυμβαλίζων σφίσιν ὑπηγέετο.

βαίνεται δὲ ἐλέφασ ἦροσ ὡρ́ῃ, κατάπερ βοῦσ ἢ ἵπποσ, ἐπεὰν τῇσι θηλέῃσιν αἱ παρὰ τοῖσι κροτάφοισιν ἀναπνοαὶ ἀνοιχθεῖσαι ἐκπνέωσι.

κύει δὲ τοὺσ ἐλαχίστουσ μὲν ἑκκαίδεκα μῆνασ, τοὺσ πλείστουσ δὲ ὀκτωκαίδεκα. τίκτει δὲ ἕν, κατάπερ ἵπποσ, καὶ τοῦτο ἐκτρέφει τῷ γάλακτι ἐσ ἔτοσ ὄγδοον. ζῴουσι δὲ ἐλεφάντων οἱ πλεῖστα ἔτεα ζῴοντεσ ἐσ διηκόσια, πολλοὶ δὲ νούσῳ προτελευτέουσιν.

καὶ ἔστιν αὐτοῖσι τῶν μὲν ὀφθαλμῶν ἰήμα βόειον γάλα ἐγχεόμενον, πρὸσ δὲ τὰσ ἄλλασ νούσουσ μέλασ οἶνοσ πινόμενοσ, ἐπὶ δὲ τοῖσιν ἕλκεσι ὑειά κρέα ὀπτεύμενα καὶ καταπλασσόμενα.

SEARCH

MENU NAVIGATION