Arrian, Indica, chapter 13

(아리아노스, Indica, chapter 13)

θηρέουσι δὲ Ἰνδοὶ τὰ μὲν ἄλλα ἄγρια θηρία κατάπερ καὶ Ἕλληνεσ, ἡ δὲ τῶν ἐλεφάντων σφιν θήρη οὐδέν τι ἄλλῃ ἐοίκεν, ὅτι καὶ ταῦτα τὰ θηρία οὐδαμοῖσιν ἄλλοισι θηρίοισιν ἐπέοικεν. ἀλλὰ τόπον γὰρ ἐπιλεξάμενοι ἄπεδον καὶ καυματώδεα ἐν κύκλῳ τάφρον ὀρύσσουσιν, ὅσον μεγάλῳ στρατοπέδῳ ἐναυλίσασθαι.

τῆσ δὲ τάφρου τὸ εὖροσ ἐσ πέντε ὀργυιὰσ ποιέονται, βάθοσ τε ἐσ τέσσαρασ. τὸν δὲ χόον ὅντινα ἐκβάλλουσιν ἐκ τοῦ ὀρύγματοσ, ἐπὶ τὰ χείλεα ἑκάτερα τῆσ τάφρου ἐπιφορήσαντεσ ἀντὶ τείχεοσ διαχρέονται, αὐτοὶ δὲ ἐπὶ τῷ χώματι τῷ ἐπὶ τοῦ χείλεοσ τοῦ ἔξω τῆσ τάφρου σκηνάσ σφιν ὀρυκτὰσ ποιέονται, καὶ διὰ τούτων ὀπὰσ ὑπολείπονται·

δἰ ὧν φάοσ τε αὐτοῖσιν ἐσέρχεται καὶ τὰ θηρία προσάγοντα καὶ ἐσελαύνοντα ἐσ τὸ ἑρ́κοσ σκέπτονται.

ἐνθαῦτα ἐντὸσ τοῦ ἑρ́κεοσ καταστήσαντεσ τῶν τινασ θηλέων τρεῖσ ἢ τέσσαρασ, ὅσαι μάλιστα τὸν θυμὸν χειροήθεεσ, μίαν ἔσοδον ἀπολιμπάνουσι κατὰ τὴν τάφρον, γεφυρώσαντεσ τὴν τάφρον·

καὶ ταύτῃ χόον τε καὶ ποίην πολλὴν ἐπιφορέουσι τοῦ μὴ ἀρίδηλον εἶναι τοῖσι θηρίοισι τὴν γέφυραν, μὴ τινα δόλον ὀισθῶσιν. αὐτοὶ μὲν ὦν ἐκποδὼν σφᾶσ ἔχουσι κατὰ τῶν σκηνέων τῶν ἐπὶ τῇ τάφρῳ δεδυκότεσ, οἱ δὲ ἄγριοι ἐλέφαντεσ ἡμέρησ μὲν οὐ πελάζουσι τοῖσιν οἰκεομένοισι, νύκτωρ δὲ πλανέονταί τε πάντη καὶ ἀγεληδὸν νέμονται τῷ μεγίστῳ καὶ γενναιοτάτῳ σφῶν ἑπόμενοι, κατάπερ αἱ βόεσ τοῖσι ταύροισιν.

ἐπεὰν ὦν τῷ ἑρ́κεϊ πελάσωσι, τήν τε φωνὴν ἀκούοντεσ τῶν θηλέων καὶ τῆσ ὀδμῆσ αἰσθόμενοι, δρόμῳ ἱένται ὡσ ἐπὶ τὸν χῶρον τὸν πεφραγμένον·

ἐκπεριελθόντεσ δὲ τῆσ τάφρου τὰ χείλεα εὖτ̓ ἄν τῇ γεφύρῃ ἐπιτύχωσι. κατὰ ταύτην ἐσ τὸ ἑρ́κοσ ὠθέονται. οἱ δὲ ἄνθρωποι αἰσθόμενοι τὴν ἔσοδον τῶν ἐλεφάντων τῶν ἀγρίων, οἱ μὲν αὐτῶν τὴν γέφυραν ὀξέωσ ἀπεῖλον, οἱ δὲ ἐπὶ τὰσ πέλασ κώμασ ἀποδραμόντεσ ἀγγέλλουσι τοὺσ ἐλέφαντασ ὅτι ἐν τῷ ἑρ́κεϊ ἔχονται οἳ δὲ ἀκούσαντεσ ἐπιβαίνουσι τῶν κρατίστων τε καὶ χειροηθεστάτων ἐλεφάντων, ἐπιβάντεσ δὲ ἐλαύνουσιν ὡσ ἐπὶ τὸ ἑρ́κοσ, ἐλάσαντεσ δὲ οὐκ αὐτίκα μάχησ ἅπτονται, ἀλλὰ ἐῶσι γὰρ λιμῷ τε ταλαιπωρηθῆναι τοὺσ ἀγρίουσ ἐλέφαντασ καὶ ὑπὸ τῷ δίψεϊ δουλωθῆναι.

εὖτ̓ ἂν δέ σφισι κακῶσ ἔχειν δοκέωσι, τηνικαῦτα ἐπιστήσαντεσ αὖθισ τὴν γέφυραν ἐλαύνουσί τε ὡσ ἐπὶ τὸ ἑρ́κοσ, καὶ τὰ μὲν πρῶτα μάχη κατίσταται καρτερὴ τοῖσιν ἡμέροισι τῶν ἐλεφάντων πρὸσ τοὺσ ἑαλωκότασ·

ἔπειτα κρατέονται μὲν κατὰ τὸ οἰκὸσ οἱ ἄγριοι ὑπό τε τῇ ἀθυμίῃ καὶ τῷ λιμῷ ταλαιπωρεύμενοι.

οἳ δὲ ἀπὸ τῶν ἐλεφάντων καταβάντεσ παρειμένοισιν ἤδη τοῖσιν ἀγρίοισι τοὺσ πόδασ ἄκρουσ συνδέουσιν, ἔπειτα ἐγκελεύονται τοῖσιν ἡμέροισι πληγῇσι σφᾶσ2κολάζειν πολλῇσιν, ἔστ̓ ἂν ἐκεῖνοι ταλαιπωρεύμενοι ἐσ γῆν πέσωσι.

παραστάντεσ δὲ βρόχουσ περιβάλλουσιν αὐτοῖσι κατὰ τοὺσ αὐχένασ, καὶ αὐτοὶ ἐπιβαίνουσι κειμένοισι. τοῦ δὲ μὴ ἀποσείεσθαι τοὺσ ἀμβάτασ μηδέ τι ἄλλο ἀτάσθαλον ἐργάζεσθαι, τὸν τράχηλον αὐτοῖσιν ἐν κύκλῳ μαχαιρίῳ ὀξέι ἐπιτέμνουσι, καὶ τὸν βρόχον κατὰ τὴν τομὴν περιδέουσιν, ὡσ ἀτρέμα ἔχειν τὴν κεφαλήν τε καὶ τὸν τράχηλον ὑπὸ τοῦ ἕλκεοσ.

εἰ γὰρ περιστρέφοιντο ὑπὸ ἀτασθαλίησ, τρίβεται αὐτοῖσι τὸ ἕλκοσ ὑπὸ τῷ κάλῳ.

일치하는 문장이 없습니다.

SEARCH

MENU NAVIGATION