Arrian, Indica, chapter 10

(아리아노스, Indica, chapter 10)

λέγεται δὲ καὶ τάδε, μνημήια ὅτι Ἰνδοὶ τοῖσι τελευτήσασιν οὐ ποιέουσιν, ἀλλὰ τὰσ ἀρετὰσ γὰρ τῶν ἀνδρῶν ἱκανὰσ ἐσ μνήμην τίθενται τοῖσιν ἀποθανοῦσι καὶ τὰσ ᾠδὰσ εἳ αὐτοῖσιν ἐπᾴδονται. πολίων δὲ ἀριθμὸν οὐκ εἶναι ἂν ἀτρεκὲσ ἀναγράψαι τῶ Ἰνδικῶν ὑπὸ πλήθεοσ.

ταύτασ μὲν ξυλίνασ ποιέεσθαι· οὐ γὰρ ἂν ἐκ πλίνθου ποιεομένασ διαρκέσαι ἐπὶ χρόνον τοῦ τε ὕδατοσ εἵνεκα τοῦ ἐξ οὐρανοῦ καὶ ὅτι οἱ ποταμοὶ αὐτοῖσιν ὑπερβάλλοντεσ ὑπὲρ τὰσ ὄχθασ ἐμπιμπλᾶσι τοῦ ὕδατοσ τὰ πεδία.

ὅσαι δὲ ἐν ὑπερδεξίοισί τε καὶ μετεώροισι τόποισι καὶ τούτοισι ψιλοῖσιν ᾠκισμέναι εἰσί, ταύτασ δὲ ἐκ πλίνθου τε καὶ πηλοῦ ποιέεσθαι.

μεγίστην δὲ πόλιν ἐν Ἰνδοῖσιν εἶναι τὴν Παλίμβοθρα καλεομένην, ἐν τῇ Πρασίων γῇ, ἵνα αἱ συμβολαί εἰσι τοῦ τε Ἐραννοβόα ποταμοῦ καὶ τοῦ Γάγγεω·

τοῦ μὲν Γάγγεω, τοῦ μεγίστου ποταμῶν· ὁ δὲ Ἐραννοβόασ τρίτοσ μὲν ἂν εἰή τῶν Ἰνδικῶν ποταμῶν, μέζων δὲ τῶν ἄλλῃ καὶ οὗτοσ. ἀλλὰ συγχωρέει τῷ Γάγγῃ, ἐπειδὰν ἐμβάλῃ ἐσ αὐτὸν τὸ ὕδωρ. καὶ λέγει Μεγασθένησ, μῆκοσ μὲν ἐπέχειν τὴν πόλιν κατ̓ ἑκατέρην τὴν πλευρὴν ἵναπερ μακροτάτη αὐτὴ ἑωυτῆσ ᾤκισται ἐσ ὀγδοήκοντα σταδίουσ, τὸ δὲ πλάτοσ ἐσ πεντεκαίδεκα.

τάφρον δὲ περιβεβλῆσθαι τῇ πόλι τὸ εὖροσ ἑξάπλεθρον, τὸ δὲ βάθοσ τριήκοντα πήχεων·

πύργουσ δὲ ἑβδομήκοντα καὶ πεντακοσίουσ ἔχειν τὸ τεῖχοσ καὶ πύλασ τέσσαρασ καὶ ἑξήκοντα. εἶναι δὲ καὶ τόδε μέγα ἐν τῇ Ἰνδῶν γῇ, πάντασ Ἰνδοὺσ εἶναι ἐλευθέρουσ, οὐδέ τινα δοῦλον εἶναι Ἰνδόν.

τοῦτο μὲν Λακεδαιμονίοισιν ἐσ τωὐτὸ συμβαίνει καὶ Ἰνδοῖσι. Λακεδαιμονίοισι μέν γε οἱ εἵλωτεσ δοῦλοί εἰσι καὶ τὰ δουλων ἐργάζονται, Ἰνδοῖσι δὲ οὐδὲ ἄλλοσ δοῦλόσ ἐστι, μήτι γε Ἰνδῶν τισ.

일치하는 문장이 없습니다.

SEARCH

MENU NAVIGATION