호흡부호 보기
강세부호 보기
장단부호 보기
작은 Iota 보기
모든 부호 보기
ἀπιόντα δὲ ἐκ τῆσ Ἰνδῶν γῆσ, ὥσ οἱ ταῦτα ἐκεκοσμητο, καταστῆσαι βασιλέα τῆσ χώρησ Σπατέμβαν, τῶν ἑταίρων τὸν βακχωδέστατον· τελευτήσαντοσ δὲ Σπατέμβα τὴν βασιληίην ἐκδέξασθαι Βουδύαν τὸν τούτου παῖδα. καὶ τὸν μὲν πεντήκοντα καὶ δύο ἔτεα βασιλεῦσαι Ἰνδῶν, τὸν πατέρα, τὸν δὲ παῖδα εἴκοσιν ἔτεα.
καὶ τούτου παῖδα ἐκδέξασθαι τὴν βασιληίην Κραδεύαν, καὶ τὸ ἀπὸ τοῦδε τὸ πολλὸν μὲν κατὰ γένοσ ἀμείβειν τὴν βασιληίην, παῖδα παρὰ πατρὸσ ἐκδεκόμενον· εἰ δὲ ἐκλείποι τὸ γένοσ, οὕτω δὴ ἀριστίνδην κατίστασθαι Ἰνδοῖσι βασιλέασ.
Ἡρακλέα δέ, ὅντινα ἐσ Ἰνδοὺσ ἀπικέσθαι λόγοσ κατέχει, παῤ αὐτοῖσιν Ἰνδοῖσι γηγενέα λέγεσθαι.
τοῦτον τὸν Ἡρακλέα μάλιστα πρὸσ Σουρασηνῶν γεραίρεσθαι, Ἰνδικοῦ ἔθνεοσ, ἵνα δύο πόλιεσ μεγάλαι, Μέθορά τε καὶ Κλεισόβορα·
καὶ ποταμὸσ Ιὠβάρησ πλωτὸσ διαρρέει τὴν χώρην αὐτῶν. τὴν σκευὴν δὲ οὗτοσ ὁ Ἡρακλέησ ἥντινα ἐφόρεε Μεγασθένησ λέγει ὅτι ὁμοίην τῷ Θηβαίῳ Ἡρακλέϊ, ὡσ αὐτοὶ Ἰνδοὶ ἀπηγέονται.
καὶ τούτῳ ἄρσενασ μὲν παῖδασ πολλοὺσ κάρτα γενέσθαι ἐν τῇ Ἰνδῶν γῇ ‐ πολλῇσι γὰρ δὴ γυναιξὶν ἐσ γάμον ἐλθεῖν καὶ τοῦτον τὸν Ἡρακλέα ‐ , θυγατέρα δὲ μουνογενέην. οὔνομα δὲ εἶναι τῇ παιδὶ Πανδαίην, καὶ τὴν χώρην. ἵνα τε ἐγένετο καὶ ἧστινοσ ἐπέτρεψεν αὐτῇ ἄρχειν Ἡρακλέησ, τῆσ παιδὸσ ἐπώνυμον.
καὶ ταύτῃ ἐλέφαντασ μὲν γενέσθαι ἐκ τοῦ πατρὸσ ἐσ πεντακοσίουσ, ἵππον δὲ ἐσ τετρακισχιλίην, πεζῶν δὲ ἐσ τὰσ τρισκαίδεκα μυριάδασ. ὅντινα καὶ ἐσ τοῦτο ἔτι οἵ τε ἐξ Ἰνδῶν τῆσ χώρησ τὰ ἀγώγιμα παῤ ἡμέασ ἀγινέοντεσ σπουδῇ ὠνεόμενοι ἐκκομίζουσι, καὶ Ἑλλήνων δὲ πάλαι καὶ Ῥωμαίων νῦν ὅσοι πολυκτέανοι καὶ εὐδαίμονεσ μέζονι ἔτι σπουδῇ ὠνέονται τὸν μαργαρίτην δὴ τὰν θαλάσσιον οὕτω τῇ Ἰνδῶν γλώσσῃ καλεόμενον.
τὸν γὰρ Ἡρακλέα, ὡσ καλόν οἱ ἐφάνη τὸ φόρημα, ἐκ πάσησ θαλάσσησ ἐσ τὴν Ἰνδῶν δυναγινέειν τὸν μαργαρίτην δὴ τοῦτον, τῇ θυγατρὶ τῇ ἑωυτοῦ εἶναι κόσμον.
καὶ λέγει Μεγασθένησ, θηρεύεσθαι αὐτοῦ τὴν κόγχην δικτύοισι, νέμεσθαι δὲ κατὰ τωὐτὸ πολλὰσ κόγχασ, κατάπερ τὰσ μελίσσασ.
καὶ εἶναι γὰρ καὶ τοῖσι μαργαρίτῃσι βασιλέα ἢ βασίλισσαν, ὡσ τῇσι μελίσσῃσι. καὶ ὅστισ μὲν ἐκεῖνον κατ̓ ἐπιτυχίην συλλάβοι, τοῦτον μὲν εὐπετέωσ περιβάλλειν καὶ τὸ ἄλλο σμῆνοσ τῶν μαργαριτέων·
εἰ δὲ διαφύγοι σφᾶσ ὁ βασιλεύσ, τούτοισι δὲ οὐκέτι θηρατοὺσ εἶναι τοὺσ ἄλλουσ. τοὺσ ἑλόντασ δὲ περιορᾶν κατασαπῆναί σφισι τὴν σάρκα, τῷ δὲ ὀστέῳ ἐσ κόσμον χρᾶσθαι. καὶ εἶναι γὰρ καὶ παῤ Ἰνδοῖσι τὸν μαργαρίτην τριστάσιον κατὰ τιμὴν πρὸσ χρυσίον τὸ ἄπεφθον, καὶ τοῦτο ἐν τῇ Ἰνδῶν γῇ ὀρυσσόμενον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기