Arrian, Indica, chapter 7

(아리아노스, Indica, chapter 7)

ἔθνεα δὲ Ἰνδικὰ εἴκοσι καὶ ἑκατὸν τὰ πάντα λέγει Μεγασθένησ, δυοῖν δέοντα. καὶ πολλὰ μὲν εἶναι ἔθνεα Ἰνδικὰ καὶ αὐτὸσ συμφέρομαι Μεγασθένεϊ, τὸ δὲ ἀτρεκὲσ.

οὐκ ἔχω εἰκάσαι ὅκωσ ἐκμαθὼν ἀνέγραψεν, οὔτε πολλοστὸν μέροσ τῆσ Ἰνδῶν γῆσ ἐπελθών, οὔτε ἐπιμιξίησ πᾶσι τοῖσι γένεσιν ἐούσησ ἐσ ἄλληλα. πάλαι μὲν δὴ νομάδασ εἶναι Ἰνδούσ, κατάπερ Σκυθέων τοὺσ οὐκ ἀροτῆρασ, οἳ ἐν τῇσιν ἁμάξῃσι πλανεύμενοι ἄλλοτε ἄλλην τῆσ Σκυθίησ ἀμείβουσιν, οὔτε πόλιασ οἰκέοντεσ οὔτε ἱρὰ θεῶν σέβοντεσ.

οὕτω μηδὲ Ἰνδοῖσι πόλιασ εἶναι μηδὲ ἱρὰ θεῶν δεδομημένα, ἀλλὰ ἀμπίσχεσθαι μὲν δορὰσ θηρίων ὅσων κατακάνοιεν, σιτέεσθαι δὲ τῶν δενδρέων τὸν φλοιόν.

καλέεσθαι δὲ τὰ δένδρεα ταῦτα τῇ Ἰνδῶν φωνῇ τάλα, καὶ φύεσθαι ἐπ̓ αὐτῶν, κατάπερ τῶν φοινίκων ἐπὶ τῇσι κορυφῇσιν, οἱᾶ́ περ τολύπασ. σιτέεσθαι δὲ καὶ τῶν θηρίων ὅσα ἕλοιεν ὠμοφαγέοντασ, πρίν γε δὴ Διόνυσον ἐλθεῖν ἐσ τὴν χώρην τὴν Ἰνδῶν.

ἢ οὐκ ἐλάσαντοσ ταύτῃ Τριπτολέμου, ὅτε περ ἐκ Δήμητροσ ἐστάλη σπείρειν γῆν πᾶσαν, ἢ πρὸ Τριπτολέμου τισ οὗτοσ Διόνυσοσ ἐπελθὼν τὴν Ἰνδῶν γῆν σπέρματά σφισιν ἔδωκε καρποῦ τοῦ ἡμέρου.

βόασ τε ὑπ̓ ἄροτρον ζεῦξαι Διόνυσον πρῶτον, καὶ ἀροτῆρασ ἀντὶ νομάδων ποιῆσαι Ἰνδῶν τοὺσ πολλούσ, καὶ ὁπλίσαι ὅπλοισι τοῖσιν ἀρηίοισι.

καὶ θεοὺσ σέβειν ὅτι ἐδίδαξε Διόνυσοσ ἄλλουσ τε καὶ μάλιστα δὴ ἑωυτὸν κυμβαλίζοντασ καὶ τυμπανίζοντασ·

τὸν κόρδακα παῤ Ἕλλησι καλεόμενον, καὶ κομᾶν Ἰνδοὺσ τῷ θεῷ.

μιτρηφορέειν τε ἀναδεῖξαι, καὶ μύρων ἀλοιφὰσ ἐκδιδάξαι.

일치하는 문장이 없습니다.

SEARCH

MENU NAVIGATION