Arrian, Indica, chapter 6

(아리아노스, Indica, chapter 6)

ταῦτα μέν μοι ἐκβολὴ ἔστω τοῦ λόγου ἐσ τὸ μὴ πιστὰ φαίνεσθαι ὅσα ὑπὲρ τῶν ἐπέκεινα τοῦ Ὑφάσιοσ ποταμοῦ Ἰνδῶν μετεξέτεροι ἀνέγραψαν· ἔστε γὰρ ἐπὶ τὸν Ὕφασιν οἱ τῆσ Ἀλεξάνδρου στρατηλασίησ μετασχόντεσ οὐ πάντη ἄπιστοί εἰσιν. ἐπεὶ καὶ τόδε λέγει Μεγασθένησ ὑπὲρ ποταμοῦ Ἰνδικοῦ, Σίλαν μὲν εἶναί οἱ οὔνομα, ῥέειν δὲ ἀπὸ κρήνησ ἐπωνύμου τοῦ ποταμοῦ διὰ τῆσ χώρησ τῆσ Σιλέων, καὶ τούτων ἐπωνύμων τοῦ ποταμοῦ τε καὶ τῆσ κρήνησ, τὸ δὲ ὕδωρ παρέχεσθαι τοιόνδε.

οὐδὲν εἶναι ὅτῳ ἀντέχει τὸ ὕδωρ, καὶ οὔτε τι νήχεσθαι ἐν αὐτῷ οὔτε τι ἐπιπλέειν, ἀλλὰ πάντα γὰρ ἐσ βυσσὸν δύνετν·

οὕτω τι ἀμενηνότερον πάντων εἶναι τὸ ὕδωρ ἐκεῖνο καὶ ἠεροειδέστερον. ὑέται δὲ ἡ Ἰνδῶν γῆ τοῦ θέρεοσ, μάλιστα μὲν τὰ οὔρεα, Παραπάμισόσ τε καὶ Ἠμωδὸσ καὶ τὸ Ἰμαϊκὸν οὖροσ, καὶ ἀπὸ τούτων μεγάλοι καὶ θολεροὶ οἱ ποταμοὶ ῥέουσιν.

ὑέται δὲ τοῦ θέρεοσ καὶ τὰ πεδία τῶν Ἰνδῶν, ὥστε λιμνάζει τὰ πολλὰ αὐτῶν.

ὕδατοσ ἐσ τὰ πεδία, ὥστε ἀπὸ τῶνδε ἔξεστι τεκμηριοῦσθαι καὶ τοῦ Νείλου τὸ πάθημα, ὅτι οἰκὸσ ὑέσθαι τὰ Αἰθιόπων οὔρεα τοῦ θέρεοσ, καὶ ἀπ̓ ἐκείνων ἐμπιμπλάμενον τὸν Νεῖλον ὑπερβάλλειν ὑπὲρ τὰρ ὄχθασ ἐσ τὴν γῆν τὴν Αἰγυπτίην.

θολερὸσ ὦν καὶ οὗτοσ ῥέει ἐν τῇδε τῇ ὡρ́ῃ, ὡσ οὔτε ἂν ἀπὸ χιόνοσ τηκομένησ ἔρρεεν, οὔτε εἰ πρὸσ τῶν ὡρ́ῃ θέρεοσ πνεόντων ἐτησίων ἀνέμων ἀνεκόπτετό οἱ τὸ ὕδωρ·

ἄλλωσ τε οὐδὲ χιονόβλητα εἰή τὰ Αἰθιόπων οὔρεα ὑπὸ καύματοσ. ὑέσθαι δὲ κατάπερ τὰ Ἰνδῶν οὐκ ἔξω ἐστὶ τοῦ οἰκότοσ, ἐπεὶ καὶ τἄλλα ἡ Ἰνδῶν γῆ οὐκ ἀπέοικε τῆσ Αἰθιοπίησ, καὶ οἱ ποταμοὶ οἱ Ἰνδικοὶ ὁμοίωσ τῷ Νείλῳ τῷ Αἰθιοπηίῳ τε καὶ Αἰγυπτίῳ κροκοδείλουσ τε φέρουσιν, ἔστιν δὲ οἳ αὐτῶν καὶ ἰχθύασ καὶ ἄλλα κήτεα ὅσα ὁ Νεῖλοσ, πλὴν ἵππου τοῦ ποταμίου·

Ὀνησίκριτοσ δὲ καὶ ἵππουσ τοὺσ ποταμίουσ λέγει ὅτι φέρουσι. τῶν δὲ ἀνθρώπων αἱ ἰδέαι οὐ πάντη ἀπᾴδουσιν αἱ Ἰνδῶν τε καὶ Αἰθιόπων.

οἱ μὲν γὰρ πρὸσ νότου ἀνέμου Ἰνδοὶ τοῖσιν Αἰθίοψι μᾶλλόν τι ἐοίκασι, μέλανέσ τε ἰδέσθαι εἰσὶ, καὶ ἡ κόμη αὐτοῖσι μέλαινα, πλήν γε δὴ ὅτι σιμοὶ οὐκ ὡσαύτωσ οὐδὲ οὐλόκρανοι ὡσ Αἰθίοπεσ· οἱ δὲ βορειότεροι αὐτῶν καὶ Αἰγυπτίουσ μάλιστα ἂν εἰε͂ν τὰ σώματα.

SEARCH

MENU NAVIGATION