Arrian, Indica, chapter 5

(아리아노스, Indica, chapter 5)

τὸ δὲ αἴτιον ὅστισ ἐθέλει φράζειν τοῦ πλήθεόσ τε καὶ μεγάθεοσ τῶν Ἰνδικῶν ποταμῶν, φραζέτω· ἐμοὶ δὲ καὶ ταῦτα ὡσ ἀκοὴ ἀναγεγράφθω. ἐπεὶ καὶ ἄλλων πολλῶν ποταμῶν οὐνόματα Μεγασθένησ ἀνέγραψεν, οἳ ἔξω τοῦ Γάγγεώ τε καὶ τοῦ Ἰνδοῦ ἐκδιδοῦσιν·

ἐσ τὸν ἑῷόν τε καὶ μεσαμβρινὸν πόντον, ὥστε τοὺσ πάντασ ὀκτὼ καὶ πεντήκοντα λέγει ὅτι εἰσὶν Ἰνδικοὶ ποταμοί, ναυσίποροι πάντεσ. ἀλλὰ οὐδὲ Μεγασθένησ τὴν πολλὴν δοκέει μοι ἐπελθεῖν τῆσ Ἰνδῶν χώρησ, πλήν γε δὴ ὅτι πλεῦνα ἢ οἱ σὺν Ἀλεξάνδρῳ [τῷ Φιλίππου] ἐπῆλθεν·

συγγενέσθαι γὰρ Σανδρακόττῳ λέγει, τῷ μεγίστῳ βασιλέι τῶν Ἰνδῶν, καὶ πώρῳ, ἔτι τούτου μέζονι. ἐλάσαντα ὀπίσω ἀπονοστῆσαι, Ἰδάνθυρσον δὲ τὸν Σκύθεα ἐκ Σκυθίησ ὁρμηθέντα πολλὰ μὲν Ἀσίησ ἔθνεα καταστρέψασθαι, ἐπελθεῖν δὲ καὶ τὴν Αἰγυπτίων γῆν κρατέοντα.

Σεμίραμιν δὲ τὴν Ἀσσυρίην ἐπιχειρέειν μὲν στέλλεσθαι ἐσ Ἰνδούσ, ἀποθανεῖν δὲ πρίν τέλοσ ἐπιθεῖναι τοῖσι βουλεύμασιν.

ἀλλὰ Ἀλέξανδρον γὰρ στρατεῦσαι ἐπὶ Ἰνδοὺσ μοῦνον. χαἰ πρὸ Ἀλεξάνδρου Διονύσου μὲν πέρι πολλὸσ λόγοσ κατέχει ὡσ καὶ τούτου στρατεύσαντοσ ἐσ Ἰνδοὺσ καὶ καταστρεψαμένου Ἰνδούσ, Ἡρακλέοσ δὲ πέρι οὐ πολλόσ.

Διονύσου μέν γε τῆσ στρατηλασίησ καὶ Νῦσα πόλισ μνῆμα οὐ φαῦλον, καὶ ὁ Μηρὸσ τὸ οὖροσ, καὶ ὁ κισσὸσ ὅστισ ἐν τῷ οὔρεϊ τούτῳ φύεται, καὶ αὐτοὶ Ἰνδοὶ ὑπὸ τυμπάνων τε καὶ κυμβάλων στελλόμενοι ἐσ τὰσ μάχασ, καὶ ἐσθὴσ αὐτοῖσι κατάστικτοσ ἐοῦσα, κατάπερ τοῦ Διονύσου τοῖσι βάκχοισιν·

Ἡρακλέοσ δὲ οὐ πολλὰ ὑπομνήματα. ἀλλὰ τὴν Αὄρνον γὰρ πέτρην, ἥντινα Ἀλέξανδροσ βίῃ ἐχειρώσατο, ὅτι Ἠρακλέησ οὐ δυνατὸσ ἐγένετο ἐξελεῖν, μακεδονικὸν δοκέει μοι κόμπασμα, κατάπερ ὦν καὶ τὸν Παραπάμοσον Καύκασον ἐκάλεον Μακεδόνεσ, οὐδέν τι προσήκοντα τοῦτον τῷ Καυκάσῳ.

καί τι καὶ ἄντρον ἐπιφρασθέντεσ ἐν Παραπαμισάδῃσι, τοῦτο ἔφασαν ἐκεῖνο εἶναι τοῦ Προμηθέοσ τοῦ Τιτῆνοσ τὸ ἄντρον, ἐν ὅτῳ ἐκρέματο ἐπὶ τῇ κλοπῇ τοῦ πυρόσ.

καὶ δὴ καὶ ἐν Σίβῃσιν, Ἰνδικῷ γένεϊ, ὅτι δορὰσ ἀμπεχομένουσ εἶδον τοὺσ Σίβασ, ἀπὸ τῆσ Ἡρακλέοσ στρατηλασίησ ἔφασκον τοὺσ ὑπολειφθέντασ εἶναι τοὺσ Σίβασ·

καὶ γὰρ καὶ σκυτάλην φορέουσιν οἱ Σίβαι, καὶ τῇσι βουσὶν αὐτῶν ῥόπαλον ἐπικέκαυται, καὶ τοῦτο ἐσ μνήμην ἀνέφερον τοῦ ῥοπάλου τοῦ Ἡρακλέοσ. εἰ δέ τῳ πιστὰ ταῦτα, ἄλλοσ ἂν οὗτοσ Ἡρακλέησ εἰή, οὐχ ὁ Θηβαῖοσ ἢ ὁ Τύριοσ ἢ ὁ Αἰγύπτιοσ, ἤ τισ καὶ κατὰ τὴν ἄνω χώρην τὴν οὐ πόρρω τῆσ Ἰνδῶν γῆσ ᾠκισμένην μέγασ βασιλεύσ.

SEARCH

MENU NAVIGATION