Arrian, Indica, chapter 4

(아리아노스, Indica, chapter 4)

ἀλλὰ οὔ μοι ἀτρεκὲσ ὑπὲρ τῶν ἐπέκεινα τοῦ Ὑφάσιοσ ποταμοῦ ἰσχυρίσασθαι, ὅτι οὐ πρόσω τοῦ Ὑφάσιοσ ἦλθεν Ἀλέξανδροσ. αὐτοῖν δὲ τοῖν μεγίστοιν ποταμοῖν τοῦ τε Γάγγεω καὶ τοῦ Ἰνδοῦ τὸν Γάγγεα μεγάθεϊ πολλόν τι ὑπερφέρειν Μεγασθένησ ἀνέγραψε, καὶ ὅσοι ἄλλοι μνήμην τοῦ Γάγγεω ἔχουσιν·

αὐτόν τε γὰρ μέγαν ἀνίσχειν ἀπὸ τῶν πηγέων, δέκεσθαί τε ἐσ ἑωυτὸν τόν τε Καϊνὰν ποταμὸν καὶ τὸν Ἐραννοβόαν καὶ τὸν Κοσσόανον, πάντασ πλωτούσ·

ἐπὶ δὲ Σῶνόν τε ποταμὸν καὶ Σιττόκατιν καὶ Σολόματιν, καὶ τούτουσ πλωτούσ· ἐπὶ δὲ Κονδοχάτην τε καὶ Σάμβον καὶ Μάγωνα καὶ Ἀγόρανιν καὶ Ὤμαλιν.

ἐμβάλλουσι δὲ ἐσ αὐτὸν Κομμινάσησ τε μέγασ ποταμὸσ καὶ Κάκουθισ καὶ Ἀνδώματισ ἐξ ἔθνεοσ Ἰνδικοῦ τοῦ Μαδυανδινῶν ῥέων, καὶ ἐπὶ τούτοισιν Ἄμυστισ παρὰ πόλιν Καταδούπην, καὶ Ὀξύμαγισ ἐν τοῖσι Παζάλῃσι καλεομένοισι. καὶ Ἐρρένυσισ δὲ ἐν Μάθῃσιν, ἔθνεϊ Ἰνδικῷ, συμβάλλει τῷ Γάγγῃ.

τούτων λέγει Μεγασθένησ οὐδένα εἶναι τοῦ Μαιάνδρου ἀποδέοντα, ἵναπερ ναυσίποροσ ὁ Μαίανδροσ.

εἶναι ὦν τὸ εὖροσ τῷ Γάγγῃ, ἔνθαπερ αὐτὸσ ἑωυτοῦ στεινότατοσ, ἐσ ἑκατὸν σταδίουσ·

πολλαχῆ δὲ καὶ λιμνάζειν, ὡσ μὴ ἄποπτον εἶναι τὴν πέρην χώρην, ἵναπερ χθαμαλή τέ ἐστι καὶ οὐδαμῆ γηλόφοισιν ἀνεστηκυῖα. τῷ δὲ Ἰνδῷ ἐσ τωὐτὸν ἔρχεται.

Ὑδραώτησ μὲν ἐν Καμβισθόλοισι παρειληφὼσ τόν τε Ὕφασιν ἐν Ἀστρύβῃσι καὶ τὸν Σαράγγην ἐκ Κηκέων καὶ τὸν Νεῦδρον ἐξ Ἀττακηνῶν, ἐσ τὸν Ἀκεσίνην ἐμβάλλουσιν. Ὑδάσπησ δὲ ἐν Ὀξυδράκῃσιν ἄγων ἅμα οἷ τὸν Σίναρον ἐν Ἀρίσπῃσιν ἐσ τὸν Ἀκεσίνην ἐκδιδοῖ καὶ οὗτοσ.

ὁ δὲ Ἀκεσίνησ ἐν Μαλλοῖσι συμβάλλει τῷ Ἰνδῷ·

καὶ Τούταποσ δὲ μέγασ ποταμὸσ ἐσ τὸν Ἀκεσίνην ἐκδιδοῖ. τούτων ὁ Ἀκεσίνησ ἐμπλησθεὶσ καὶ τῇ ἐπικλήσι ἐκνικήσασ αὐτὸσ τῷ ἑωυτοῦ δὴ οὐνόματι ἐσβάλλει ἐσ τὸν Ἰνδόν. Κωφὴν δὲ ἐν Πευκελαΐτιδι, ἅμα οἷ ἄγων Μάλαντόν τε καὶ Σόαστον καὶ Γαρροίαν, ἐκδιδοῖ ἐσ τὸν Ἰνδόν.

κατύπερθε δὲ τούτων Πάρενοσ καὶ Σάπαρνοσ, οὐ πολὺ διέχοντεσ, ἐμβάλλουσιν ἐσ τὸν Ἰνδόν.

Σόανοσ δὲ ἐκ τῆσ ὀρεινῆσ τῆσ Ἀβισσαρέων ἔρημοσ ἄλλου ποταμοῦ ἐκδιδοῖ ἐσ αὐτόν. καὶ τούτων τοὺσ πολλοὺσ Μεγασθένησ λέγει ὅτι πλωτοί εἰσιν. οὔκουν ἀπιστίην χρὴ ἔχειν ὑπέρ τε τοῦ Ἰνδοῦ καὶ τοῦ Γάγγεω, μηδὲ συμβλητοὺσ εἶναι αὐτοῖσι τόν τε Ἴστρον καὶ τὸν Νεῖλον.

ἐσ μέν γε τὸν Νεῖλον οὐδένα ποταμὸν ἐκδιδόντα ἴδμεν, ἀλλὰ ἀπ̓ αὐτοῦ διώρυχασ τετμημένασ κατὰ τὴν χώρην τὴν Αἰγυπτίην·

ὁ δὲ Ἴστροσ ὀλίγοσ μὲν ἀνίσχει ἀπὸ τῶν πηγέων, δέκεται δὲ πολλοὺσ ποταμούσ, ἀλλὰ οὐδὲ πλήθεϊ ἴσουσ τοῖσιν Ἰνδῶν ποταμοῖσιν, οἳ τὸν Ἰνδὸν καὶ τὸν Γάγγεα ἐκδιδοῦσι, πλωτοὺσ δὲ δὴ κάρτα ὀλίγουσ, ὧν τοὺσ μὲν αὐτὸσ ἰδὼν οἶδα, τὸν Ἔνον τε καὶ τὸν Σάον.

Ἔνοσ μὲν ἐν μεθορίῳ τῆσ Νωρικῶν καὶ Ῥαιτῶν γῆσ μίγνυται τῷ Ἴστρῳ, ὁ δὲ Σάοσ κατὰ Παίονασ.

ὁ δὲ χῶροσ, ἵναπερ. συμβάλλουσιν οἱ ποταμοί, Ταυροῦνοσ καλέεται. ὅστισ δὲ καὶ ἄλλον οἶδε ναυσίπορον τῶν ἐσ τὸν Ἴστρον ἐκδιδόντων, ἀλλὰ οὐ πολλούσ κου οἶδε.

SEARCH

MENU NAVIGATION