헬라어 문장 검색 - Αρριαν́Ινδιξά04́

(아리아노스, Indica, chapter 4)

ἀλλὰ οὔ μοι ἀτρεκὲσ ὑπὲρ τῶν ἐπέκεινα τοῦ Ὑφάσιοσ ποταμοῦ ἰσχυρίσασθαι, ὅτι οὐ πρόσω τοῦ Ὑφάσιοσ ἦλθεν Ἀλέξανδροσ. αὐτοῖν δὲ τοῖν μεγίστοιν ποταμοῖν τοῦ τε Γάγγεω καὶ τοῦ Ἰνδοῦ τὸν Γάγγεα μεγάθεϊ πολλόν τι ὑπερφέρειν Μεγασθένησ ἀνέγραψε, καὶ ὅσοι ἄλλοι μνήμην τοῦ Γάγγεω ἔχουσιν·

αὐτόν τε γὰρ μέγαν ἀνίσχειν ἀπὸ τῶν πηγέων, δέκεσθαί τε ἐσ ἑωυτὸν τόν τε Καϊνὰν ποταμὸν καὶ τὸν Ἐραννοβόαν καὶ τὸν Κοσσόανον, πάντασ πλωτούσ·

ἐπὶ δὲ Σῶνόν τε ποταμὸν καὶ Σιττόκατιν καὶ Σολόματιν, καὶ τούτουσ πλωτούσ· ἐπὶ δὲ Κονδοχάτην τε καὶ Σάμβον καὶ Μάγωνα καὶ Ἀγόρανιν καὶ Ὤμαλιν.

ἐμβάλλουσι δὲ ἐσ αὐτὸν Κομμινάσησ τε μέγασ ποταμὸσ καὶ Κάκουθισ καὶ Ἀνδώματισ ἐξ ἔθνεοσ Ἰνδικοῦ τοῦ Μαδυανδινῶν ῥέων, καὶ ἐπὶ τούτοισιν Ἄμυστισ παρὰ πόλιν Καταδούπην, καὶ Ὀξύμαγισ ἐν τοῖσι Παζάλῃσι καλεομένοισι. καὶ Ἐρρένυσισ δὲ ἐν Μάθῃσιν, ἔθνεϊ Ἰνδικῷ, συμβάλλει τῷ Γάγγῃ.

τούτων λέγει Μεγασθένησ οὐδένα εἶναι τοῦ Μαιάνδρου ἀποδέοντα, ἵναπερ ναυσίποροσ ὁ Μαίανδροσ.

εἶναι ὦν τὸ εὖροσ τῷ Γάγγῃ, ἔνθαπερ αὐτὸσ ἑωυτοῦ στεινότατοσ, ἐσ ἑκατὸν σταδίουσ·

πολλαχῆ δὲ καὶ λιμνάζειν, ὡσ μὴ ἄποπτον εἶναι τὴν πέρην χώρην, ἵναπερ χθαμαλή τέ ἐστι καὶ οὐδαμῆ γηλόφοισιν ἀνεστηκυῖα. τῷ δὲ Ἰνδῷ ἐσ τωὐτὸν ἔρχεται.

Ὑδραώτησ μὲν ἐν Καμβισθόλοισι παρειληφὼσ τόν τε Ὕφασιν ἐν Ἀστρύβῃσι καὶ τὸν Σαράγγην ἐκ Κηκέων καὶ τὸν Νεῦδρον ἐξ Ἀττακηνῶν, ἐσ τὸν Ἀκεσίνην ἐμβάλλουσιν. Ὑδάσπησ δὲ ἐν Ὀξυδράκῃσιν ἄγων ἅμα οἷ τὸν Σίναρον ἐν Ἀρίσπῃσιν ἐσ τὸν Ἀκεσίνην ἐκδιδοῖ καὶ οὗτοσ.

ὁ δὲ Ἀκεσίνησ ἐν Μαλλοῖσι συμβάλλει τῷ Ἰνδῷ·

καὶ Τούταποσ δὲ μέγασ ποταμὸσ ἐσ τὸν Ἀκεσίνην ἐκδιδοῖ. τούτων ὁ Ἀκεσίνησ ἐμπλησθεὶσ καὶ τῇ ἐπικλήσι ἐκνικήσασ αὐτὸσ τῷ ἑωυτοῦ δὴ οὐνόματι ἐσβάλλει ἐσ τὸν Ἰνδόν. Κωφὴν δὲ ἐν Πευκελαΐτιδι, ἅμα οἷ ἄγων Μάλαντόν τε καὶ Σόαστον καὶ Γαρροίαν, ἐκδιδοῖ ἐσ τὸν Ἰνδόν.

κατύπερθε δὲ τούτων Πάρενοσ καὶ Σάπαρνοσ, οὐ πολὺ διέχοντεσ, ἐμβάλλουσιν ἐσ τὸν Ἰνδόν.

Σόανοσ δὲ ἐκ τῆσ ὀρεινῆσ τῆσ Ἀβισσαρέων ἔρημοσ ἄλλου ποταμοῦ ἐκδιδοῖ ἐσ αὐτόν. καὶ τούτων τοὺσ πολλοὺσ Μεγασθένησ λέγει ὅτι πλωτοί εἰσιν. οὔκουν ἀπιστίην χρὴ ἔχειν ὑπέρ τε τοῦ Ἰνδοῦ καὶ τοῦ Γάγγεω, μηδὲ συμβλητοὺσ εἶναι αὐτοῖσι τόν τε Ἴστρον καὶ τὸν Νεῖλον.

ἐσ μέν γε τὸν Νεῖλον οὐδένα ποταμὸν ἐκδιδόντα ἴδμεν, ἀλλὰ ἀπ̓ αὐτοῦ διώρυχασ τετμημένασ κατὰ τὴν χώρην τὴν Αἰγυπτίην·

ὁ δὲ Ἴστροσ ὀλίγοσ μὲν ἀνίσχει ἀπὸ τῶν πηγέων, δέκεται δὲ πολλοὺσ ποταμούσ, ἀλλὰ οὐδὲ πλήθεϊ ἴσουσ τοῖσιν Ἰνδῶν ποταμοῖσιν, οἳ τὸν Ἰνδὸν καὶ τὸν Γάγγεα ἐκδιδοῦσι, πλωτοὺσ δὲ δὴ κάρτα ὀλίγουσ, ὧν τοὺσ μὲν αὐτὸσ ἰδὼν οἶδα, τὸν Ἔνον τε καὶ τὸν Σάον.

Ἔνοσ μὲν ἐν μεθορίῳ τῆσ Νωρικῶν καὶ Ῥαιτῶν γῆσ μίγνυται τῷ Ἴστρῳ, ὁ δὲ Σάοσ κατὰ Παίονασ.

ὁ δὲ χῶροσ, ἵναπερ. συμβάλλουσιν οἱ ποταμοί, Ταυροῦνοσ καλέεται. ὅστισ δὲ καὶ ἄλλον οἶδε ναυσίπορον τῶν ἐσ τὸν Ἴστρον ἐκδιδόντων, ἀλλὰ οὐ πολλούσ κου οἶδε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Indica, chapter 4

(아리아노스, Indica, chapter 4)

상위

목록

SEARCH

MENU NAVIGATION