Arrian, Indica, chapter 3

(아리아노스, Indica, chapter 3)

ἐμοὶ δὲ Ἐρατοσθένησ ὁ Κυρηναῖοσ πιστότεροσ ἄλλου ἔστω, ὅτι γῆσ περιόδου πέρι ἔμελεν Ἐρατοσθένεϊ. οὗτοσ ἀπὸ τοῦ οὔρεοσ τοῦ Ταύρου, ἵνα τοῦ Ἰνδοῦ αἱ πηγαί, παῤ αὐτὸν τὸν Ἰνδὸν ποταμὸν ἰόντι ἔστε ἐπὶ τὴν μεγάλην θάλασσαν καὶ τοῦ Ἰνδοῦ τὰσ ἐκβολὰσ μυρίουσ σταδίουσ καὶ τρισχιλίουσ τὴν πλευρὴν λέγει ἐπέχειν τῆσ γῆσ τῆσ Ἰνδῶν.

ταυτησὶ δὲ ἀντίπορον πλευρὴν ποιέει τὴν ἀπὸ τωὐτοῦ οὔρεοσ παρὰ τὴν ἑῴην θάλασσαν, οὐκέτι ταύτῃ τῇ πλευρῇ ἴσην, ἀλλὰ ἄκρην γὰρ ἀνέχειν ἐπὶ μέγα ἐσ τὸ πέλαγοσ, ἐσ τρισχιλίουσ σταδίουσ μάλιστα ἀνατείνουσαν τὴν ἄκρην, εἰή ἂν ὦν αὐτῷ ἡ πλευρὴ τῆσ Ἰνδῶν γῆσ πρὸσ ἑώ μυρίουσ καὶ ἑξακισχιλίουσ σταδίουσ ἐπέχουσα.

τοῦτο μὲν αὐτῷ πλάτοσ τῆσ Ἰνδῶν γῆσ συμβαίνει, μῆκοσ δὲ τὸ ἀπ̓ ἑσπέρησ ἐπὶ ἑώ ἔστε μὲν ἐπὶ πόλιν Παλίμβοθρα μεμετρημένον σχοινίοισι λέγει ἀναγράφειν· καὶ εἶναι γὰρ ὁδὸν βασιληίην.

τοῦτο ἐπέχειν ἐσ μυρίουσ σταδίουσ. τὰ δὲ ἐπέκεινα οὐκέτι ὡσαύτωσ ἀτρεκέα.

φήμασ δὲ ὅσοι ἀνέγραψαν, σὺν τῇ ἄκρῃ τῇ ἀνεχούσῃ ἐσ τὸ πέλαγοσ ἐσ μυρίουσ σταδίουσ μάλιστα ἐπέχειν λέγουσιν· εἶναι ἂν ὦν τὸ μῆκοσ τῆσ Ἰνδῶν γῆσ σταδίων μάλιστα δισμυρίων. Κτησίησ δὲ ὁ Κνίδιοσ τὴν Ἰνδῶν γῆν ἴσην τῇ ἄλλῃ Ἀσίῃ λέγει, οὐδὲν λέγων, οὐδὲ Ὀνησίκριτοσ, τρίτην μοῖραν τῆσ πάσησ γῆσ.

Νέαρχοσ δὲ μηνῶν τεσσάρων ὁδὸν τὴν δἰ αὐτοῦ τοῦ πεδίου τῆσ Ἰνδῶν γῆσ. Μεγασθένεϊ δὲ τὸ ἀπὸ ἀνατολέων ἐσ ἕσπέρην πλάτοσ ἐστὶ τῆσ Ἰνδῶν γῆσ ὅ τι περ οἱ ἄλλοι μῆκοσ ποιέουσι·

καὶ λέγει Μεγασθένησ μυρίων καὶ ἑξακισχιλίων σταδίων εἶναι ἵναπερ τὸ βραχύτατον αὐτοῦ. τὸ δὲ ἀπὸ ἄρκτου πρὸσ μεσαμβρίην, τοῦτο δὲ αὐτῷ μῆκοσ γίνεται, καὶ ἐπέχει τριηκοσίουσ καὶ δισχιλίουσ καὶ δισμυρίουσ ἵναπερ τὸ στεινότατον αὐτοῦ.

ποταμοὶ δὲ τοσοίδε εἰσὶν ἐν τῇ Ἰνδῶν γῇ, ὅσοι οὐδὲ ἐν τῇ πάσῃ Ἀσίῃ.

μέγιστοι μὲν ὁ Γάγγησ τε καὶ ὁ Ἰνδόσ, ὅτου καὶ ἡ γῆ ἐπώνυμοσ, ἄμφω τοῦ τε Νείλου τοῦ Αἰγυπτίου καὶ τοῦ Ἴστρου τοῦ Σκυθικοῦ, καὶ εἰ ἐσ τωὐτὸ συνέλθοι αὐτοῖσι τὸ ὕδωρ, μέζονεσ. δοκέειν δὲ ἔμοιγε, καὶ ὁ Ἀκεσίνησ μέζων ἐστὶ τοῦ τε Ἴστρου καὶ τοῦ Νείλου, ἵναπερ παραλαβὼν ἅμα τόν τε Ὑδάσπεα καὶ τὸν Ὑδραώτεα καὶ τὸν Ὕφασιν ἐμβάλλει ἐσ τὸν Ἰνδόν, ὡσ καὶ τριήκοντα αὐτῷ σταδίουσ τὸ πλάτοσ ταύτῃ εἶναι· καὶ τυχὸν καὶ ἄλλοι πολλοὶ μέζονεσ ποταμοὶ ἐν τῇ Ἰνδῶν γῇ ῥέουσιν.

일치하는 문장이 없습니다.

SEARCH

MENU NAVIGATION