Arrian, Indica, chapter 2

(아리아노스, Indica, chapter 2)

τὰ δὲ ἀπὸ τοῦ Ἰνδοῦ πρὸσ ἑώ, ταῦτά μοι ἔστω ἡ Ἰνδῶν γῆ, καὶ Ἰνδοὶ οὗτοι ἔστων. οὖροι δὲ τῆσ Ἰνδῶν γῆσ πρὸσ μὲν βορέεω ἀνέμου ὁ Ταῦροσ τὸ οὖροσ. καλέεται δὲ οὐ Ταῦροσ ἔτι ἐν τῇ γῇ ταύτῃ, ἀλλὰ ἄρχεται μὲν ἀπὸ θαλάσσησ ὁ Ταῦροσ τῆσ κατὰ Παμφύλουσ τε καὶ Λυκίην καὶ Κίλικασ, παρατείνει δὲ ἔστε ἐπὶ τὴν πρὸσ ἑώ θάλασσαν, τέμνων τὴν Ἀσίην πᾶσαν.

ἄλλο δὲ ἄλλῃ καλέεται τὸ οὖροσ, τῇ μὲν Παραπάμισοσ τῇ δὲ Ἠμωδόσ·

ἄλλῃ δὲ Ἴμαον κληίζεται, καὶ τυχὸν ἄλλα καὶ ἄλλα ἔχει οὐνόματα. Μακεδόνεσ δὲ οἱ σὺν Ἀλεξάνδρῳ στρατεύσαντεσ Καύκασον αὐτὸ ἐκάλεον, ἄλλον τοῦτον Καύκασον, οὐ τὸν Σκυθικόν, ὡσ καὶ τὰ ἐπέκεινα τοῦ Καυκάσου λόγον κατέχεον ὅτι ἐπῆλθεν Ἀλέξανδροσ.

τὰ πρὸσ ἑσπέρην δὲ τῆσ Ἰνδῶν γῆσ ὁ ποταμὸσ ὁ Ἰνδὸσ ἀπείργει ἔστε ἐπὶ τὴν μεγάλην θάλασσαν, ἵναπερ αὐτὸσ κατὰ δύο στόματα ἐκδιδοῖ, οὐ συνεχέα ἀλλήλοισι τὰ στόματα, κατάπερ τὰ πέντε τοῦ Ἴστρου ἐστὶ συνεχέα, ἀλλὰ ὡσ τὰ τοῦ Νείλου, ὑπ̓ ὅτων τὸ Δέλτα ποιέεται τὸ Αἰγύπτιον, ὧδέ τοι καὶ τὸ τῆσ Ἰνδῶν γῆσ Δέλτα ποιέει ὁ Ἰνδὸσ ποταμόσ, οὐ μεῖον τοῦ Αἰγυπτίου·

καὶ τοῦτο Πάταλα τῇ Ἰνδῶν γλώσσῃ καλέεται.

τὸ δὲ πρὸσ νότου τε ἀνέμου καὶ μεσαμβρίησ αὐτὴ ἡ μεγάλη θάλασσα ἀπείργει τὴν Ἰνδῶν γῆν, καὶ τὰ πρὸσ ἑώ ἡ αὐτὴ θάλασσα ἀπείργει.

τὰ μὲν πρὸσ μεσαμβρίησ κατὰ Πάταλά τε καὶ τοῦ Ἰνδοῦ τὰσ ἐκβολὰσ ὤφθη πρόσ τε Ἀλεξάνδρου καὶ Μακεδόνων καὶ πολλῶν Ἑλλήνων·

ὀλίγοι δὲ ἀνέγραψαν τὰ μέχρι ποταμοῦ Γάγγεω καὶ ἵνα τοῦ Γάγγεω αἱ ἐκβολαὶ καὶ πόλισ Παλίμβοθρα μεγίστη τῶν Ἰνδικῶν πρὸσ τῷ Γάγγῃ.

SEARCH

MENU NAVIGATION