헬라어 문장 검색 - Αρριαν́Ινδιξά02́

(아리아노스, Indica, chapter 2)

τὰ δὲ ἀπὸ τοῦ Ἰνδοῦ πρὸσ ἑώ, ταῦτά μοι ἔστω ἡ Ἰνδῶν γῆ, καὶ Ἰνδοὶ οὗτοι ἔστων. οὖροι δὲ τῆσ Ἰνδῶν γῆσ πρὸσ μὲν βορέεω ἀνέμου ὁ Ταῦροσ τὸ οὖροσ. καλέεται δὲ οὐ Ταῦροσ ἔτι ἐν τῇ γῇ ταύτῃ, ἀλλὰ ἄρχεται μὲν ἀπὸ θαλάσσησ ὁ Ταῦροσ τῆσ κατὰ Παμφύλουσ τε καὶ Λυκίην καὶ Κίλικασ, παρατείνει δὲ ἔστε ἐπὶ τὴν πρὸσ ἑώ θάλασσαν, τέμνων τὴν Ἀσίην πᾶσαν.

ἄλλο δὲ ἄλλῃ καλέεται τὸ οὖροσ, τῇ μὲν Παραπάμισοσ τῇ δὲ Ἠμωδόσ·

ἄλλῃ δὲ Ἴμαον κληίζεται, καὶ τυχὸν ἄλλα καὶ ἄλλα ἔχει οὐνόματα. Μακεδόνεσ δὲ οἱ σὺν Ἀλεξάνδρῳ στρατεύσαντεσ Καύκασον αὐτὸ ἐκάλεον, ἄλλον τοῦτον Καύκασον, οὐ τὸν Σκυθικόν, ὡσ καὶ τὰ ἐπέκεινα τοῦ Καυκάσου λόγον κατέχεον ὅτι ἐπῆλθεν Ἀλέξανδροσ.

τὰ πρὸσ ἑσπέρην δὲ τῆσ Ἰνδῶν γῆσ ὁ ποταμὸσ ὁ Ἰνδὸσ ἀπείργει ἔστε ἐπὶ τὴν μεγάλην θάλασσαν, ἵναπερ αὐτὸσ κατὰ δύο στόματα ἐκδιδοῖ, οὐ συνεχέα ἀλλήλοισι τὰ στόματα, κατάπερ τὰ πέντε τοῦ Ἴστρου ἐστὶ συνεχέα, ἀλλὰ ὡσ τὰ τοῦ Νείλου, ὑπ̓ ὅτων τὸ Δέλτα ποιέεται τὸ Αἰγύπτιον, ὧδέ τοι καὶ τὸ τῆσ Ἰνδῶν γῆσ Δέλτα ποιέει ὁ Ἰνδὸσ ποταμόσ, οὐ μεῖον τοῦ Αἰγυπτίου·

καὶ τοῦτο Πάταλα τῇ Ἰνδῶν γλώσσῃ καλέεται.

τὸ δὲ πρὸσ νότου τε ἀνέμου καὶ μεσαμβρίησ αὐτὴ ἡ μεγάλη θάλασσα ἀπείργει τὴν Ἰνδῶν γῆν, καὶ τὰ πρὸσ ἑώ ἡ αὐτὴ θάλασσα ἀπείργει.

τὰ μὲν πρὸσ μεσαμβρίησ κατὰ Πάταλά τε καὶ τοῦ Ἰνδοῦ τὰσ ἐκβολὰσ ὤφθη πρόσ τε Ἀλεξάνδρου καὶ Μακεδόνων καὶ πολλῶν Ἑλλήνων·

ὀλίγοι δὲ ἀνέγραψαν τὰ μέχρι ποταμοῦ Γάγγεω καὶ ἵνα τοῦ Γάγγεω αἱ ἐκβολαὶ καὶ πόλισ Παλίμβοθρα μεγίστη τῶν Ἰνδικῶν πρὸσ τῷ Γάγγῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 2

(아리아노스, Indica, chapter 2)

상위

목록

SEARCH

MENU NAVIGATION