헬라어 문장 검색 - Αρριαν́Ινδιξά01́

(아리아노스, Indica, chapter 1)

Τὰ ἔξω τοῦ Ἰνδοῦ ποταμοῦ τὰ πρὸσ ἑσπέρην ἔστε ἐπὶ ποταμὸν Κωφῆνα Ἀστακηνοὶ καὶ Ἀσσακηνοί, ἔθνεα Ἰνδικά, ἐποικέουσιν. ἀλλὰ οὔτε μεγάλοι τὰ σώματα, κατάπερ οἱ ἐντὸσ τοῦ Ἰνδοῦ ᾠκισμένοι, οὔτε ἀγαθοὶ ὡσαύτωσ τὸν θυμὸν οὐδὲ μέλανεσ ὡσαύτωσ τοῖσι πολλοῖσιν Ἰνδοῖσιν.

οὗτοι πάλαι μὲν Ἀσσυρίοισιν ὑπήκοοι ἦσαν·

ἐπὶ δὲ Μήδοισι Περσέων ἤκουον, καὶ φόρουσ ἀπέφερον Κύρῳ τῷ Καμβύσεω ἐκ τῆσ γῆσ σφῶν, οὓσ ἔταξε Κῦροσ. Νυσαῖοι δὲ οὐκ Ἰνδικὸν γένοσ ἐστίν, ἀλλὰ τῶν ἅμα Διονύσῳ ἐλθόντων ἐσ τὴν γῆν τὴν Ἰνδῶν, τυχὸν μὲν Ἑλλήνων, ὅσοι ἀπόμαχοι αὐτῶν ἐγένοντο ἐν τοῖσι πολέμοισιν οὕστινασ πρὸσ Ἰνδοὺσ Διόνυσοσ ἐπολέμησε, τυχὸν δὲ καὶ τῶν ἐπιχωρίων.

τοὺσ ἐθέλοντασ τοῖσιν Ἕλλησι συνῴκισε, τήν τε χώρην Νυσαίην ὠνόμασεν ἀπὸ τοῦ οὔρεοσ τῆσ Νύσησ Διόνυσοσ, καὶ τὴν πόλιν αὐτὴν Νῦσαν.

καὶ τὸ οὖροσ τὸ πρὸσ τῇ πόλι, ὅτου ἐν τῇσιν ὑπωρείῃσιν ᾤκισται ἡ Νῦσα, Μηρὸσ κληίζεται ἐπὶ τῇ συμφορῇ ᾗτινι ἐχρήσατο εὐθὺσ γενόμενοσ.

ταῦτα μὲν οἱ ποιηταὶ ἐπὶ Διονύσῳ ἐποίησαν, καὶ ἐξηγείσθων αὐτὰ ὅσοι λόγιοι Ἑλλήνων ἢ βαρβάρων·

ἐν Ἀσσακηνοῖσι δὲ Μάσσακα, πόλισ μεγάλη, ἵναπερ καὶ τὸ κράτοσ τῆσ γῆσ ἐστι τῆσ Ἀσσακίησ·

καὶ ἄλλη πόλισ Πευκελαῗτισ, μεγάλη καὶ αὐτή, οὐ μακρὰν τοῦ Ἰνδοῦ. ταῦτα μὲν ἔξω τοῦ Ἰνδοῦ ποταμοῦ ᾤκισται πρὸσ ἑσπέρην ἔστε ἐπὶ τὸν Κωφῆνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 1

(아리아노스, Indica, chapter 1)

상위

목록

SEARCH

MENU NAVIGATION