헬라어 문장 검색 - ΑριστοπήΠεαξέ3́13́0́

(아리스토파네스, Peace, Choral, epirrheme)

ὦ σοφώτατοι γεωργοί, τἀμὰ δὴ ξυνίετε ῥήματ’, εἰ βούλεσθ’ ἀκοῦσαι τήνδ’ ὅπωσ ἀπώλετο. πρῶτα μὲν γὰρ αὐτῆσ ἦρξεν Φειδίασ πράξασ κακῶσ· εἶτα Περικλέησ φοβηθεὶσ μὴ μετάσχοι τῆσ τύχησ, τὰσ φύσεισ ὑμῶν δεδοικὼσ καὶ τὸν αὐτοδὰξ τρόπον, πρὶν παθεῖν τι δεινὸν αὐτόσ, ἐξέφλεξε τὴν πόλιν. ἐμβαλὼν σπινθῆρα μικρὸν Μεγαρικοῦ ψηφίσματοσ, ἐξεφύσησεν τοσοῦτον πόλεμον ὥστε τῷ καπνῷ πάντασ Ἕλληνασ δακρῦσαι, τούσ τ’ ἐκεῖ τούσ τ’ ἐνθάδε. ὡσ δ’ ἅπαξ τὸ πρῶτον ἄκουσ’ ἐψόφησεν ἄμπελοσ καὶ πίθοσ πληγεὶσ ὑπ’ ὀργῆσ ἀντελάκτισεν πίθῳ, οὐκέτ’ ἦν οὐδεὶσ ὁ παύσων, ἥδε δ’ ἠφανίζετο. ταῦτα τοίνυν μὰ τὸν Ἀπόλλω ’γὼ ’πεπύσμην οὐδενόσ, οὐδ’ ὅπωσ αὐτῇ προσήκοι Φειδίασ ἠκηκόη. οὐδ’ ἔγωγε πλήν γε νυνί. ταῦτ’ ἄρ’ εὐπρόσωποσ ἦν, οὖσα συγγενὴσ ἐκείνου. πολλά γ’ ἡμᾶσ λανθάνει. κᾆτ’ ἐπειδὴ ’γνωσαν ὑμᾶσ αἱ πόλεισ ὧν ἤρχετε ἠγριωμένουσ ἐπ’ ἀλλήλοισι καὶ σεσηρότασ, πάντ’ ἐμηχανῶντ’ ἐφ’ ὑμῖν τοὺσ φόρουσ φοβούμεναι, κἀνέπειθον τῶν Λακώνων τοὺσ μεγίστουσ χρήμασιν. οἱ δ’ ἅτ’ ὄντεσ αἰσχροκερδεῖσ καὶ διειρωνόξενοι τήνδ’ ἀπορρίψαντεσ αἰσχρῶσ τὸν πόλεμον ἀνήρπασαν· κᾆτα τἀκείνων γε κέρδη τοῖσ γεωργοῖσ ἦν κακά· αἱ γὰρ ἐνθένδ’ αὖ τριήρεισ ἀντιτιμωρούμεναι οὐδὲν αἰτίων ἂν ἀνδρῶν τὰσ κράδασ κατήσθιον. ἐν δίκῃ μὲν οὖν, ἐπεί τοι τὴν κορώνεών γέ μου ἐξέκοψαν, ἣν ἐγὼ ’φύτευσα κἀξεθρεψάμην. νὴ Δί’ ὦ μέλ’ ἐνδίκωσ <γε> δῆτ’, ἐπεὶ κἀμοῦ λίθον ἐμβαλόντεσ ἑξμέδιμνον κυψέλην ἀπώλεσαν. κᾆτα δ’ ὡσ ἐκ τῶν ἀγρῶν ξυνῆλθεν οὑργάτησ λεώσ, τὸν τρόπον πωλούμενοσ τὸν αὐτὸν οὐκ ἐμάνθανεν, ἀλλ’ ἅτ’ ὢν ἄνευ γιγάρτων καὶ φιλῶν τὰσ ἰσχάδασ ἔβλεπεν πρὸσ τοὺσ λέγοντασ· οἱ δὲ γιγνώσκοντεσ εὖ τοὺσ πένητασ ἀσθενοῦντασ κἀποροῦντασ ἀλφίτων, τήνδε μὲν δικροῖσ ἐώθουν τὴν θεὸν κεκράγμασιν, πολλάκισ φανεῖσαν αὐτὴν τῆσδε τῆσ χώρασ πόθῳ, τῶν δὲ συμμάχων ἔσειον τοὺσ παχεῖσ καὶ πλουσίουσ, αἰτίασ ἂν προστιθέντεσ, ὡσ φρονεῖ τὰ Βρασίδου. εἶτ’ ἂν ὑμεῖσ τοῦτον ὥσπερ κυνίδι’ ἐσπαράττετε· ἡ πόλισ γὰρ ὠχριῶσα κἀν φόβῳ καθημένη, ἅττα διαβάλοι τισ αὐτῇ, ταῦτ’ ἂν ἥδιστ’ ἤσθιεν. οἳ δὲ τὰσ πληγὰσ ὁρῶντεσ ἃσ ἐτύπτονθ’ οἱ ξένοι χρυσίῳ τῶν ταῦτα ποιούντων ἐβύνουν τὸ στόμα, ὥστ’ ἐκείνουσ μὲν ποιῆσαι πλουσίουσ, ἡ δ’ Ἑλλὰσ ἂν ἐξερημωθεῖσ’ ἂν ὑμᾶσ ἔλαθε. ταῦτα δ’ ἦν ὁ δρῶν βυρσοπώλησ. παῦε παῦ’ ὦ δέσποθ’ Ἑρμῆ, μὴ λέγε, ἀλλ’ ἐά τὸν ἄνδρ’ ἐκεῖνον οὗπερ ἔστ’ εἶναι κάτω· οὐ γὰρ ἡμέτεροσ ἔτ’ ἔστ’ ἐκεῖνοσ ἁνὴρ ἀλλὰ σόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Peace, Choral, epirrheme

(아리스토파네스, Peace, Choral, epirrheme)

상위

목록

SEARCH

MENU NAVIGATION