Aristophanes, Peace, Choral, iambics

(아리스토파네스, Peace, Choral, iambics)

ἄγε δὴ σὺ ταχέωσ ὕπεχε τὴν φιάλην, ὅπωσ ἔργῳ ’φιαλοῦμεν εὐξάμενοι τοῖσιν θεοῖσ. σπονδὴ σπονδή· εὐφημεῖτε εὐφημεῖτε. σπένδοντεσ εὐχόμεσθα τὴν νῦν ἡμέραν Ἕλλησιν ἄρξαι πᾶσι πολλῶν κἀγαθῶν, χὤστισ προθύμωσ ξυλλάβοι τῶν σχοινίων, τοῦτον τὸν ἄνδρα μὴ λαβεῖν ποτ’ ἀσπίδα. μὰ Δί’ ἀλλ’ ἐν εἰρήνῃ διαγαγεῖν τὸν βίον, ἔχονθ’ ἑταίραν καὶ σκαλεύοντ’ ἄνθρακασ. ὅστισ δὲ πόλεμον μᾶλλον εἶναι βούλεται μηδέποτε παύσασθ’ αὐτὸν ὦ Διόνυσ’ ἄναξ ἐκ τῶν ὀλεκράνων ἀκίδασ ἐξαιρούμενον. κεἴ τισ ἐπιθυμῶν ταξιαρχεῖν σοὶ φθονεῖ ἐσ φῶσ ἀνελθεῖν ὦ πότνι’, ἐν ταῖσιν μάχαισ πάσχοι γε τοιαῦθ’ οἱᾶ́περ Κλεώνυμοσ. κεἴ τισ δορυξὸσ ἢ κάπηλοσ ἀσπίδων, ἵν’ ἐμπολᾷ βέλτιον, ἐπιθυμεῖ μαχῶν ληφθεὶσ ὑπὸ λῃστῶν ἐσθίοι κριθὰσ μόνασ. κεἴ τισ στρατηγεῖν βουλόμενοσ μὴ ξυλλάβοι, ἢ δοῦλοσ αὐτομολεῖν παρεσκευασμένοσ ἐπὶ τοῦ τροχοῦ γ’ ἕλκοιτο μαστιγούμενοσ. ἡμῖν δ’ ἀγαθὰ γένοιτ’. ἰὴ παιὼν ἰή. ἄφελε τὸ παίειν ἀλλ’ ἰὴ μόνον λέγε. ἰὴ ἰὴ τοίνυν, ἰὴ μόνον λέγω. Ἑρμῇ Χάρισιν Ὥραισιν Ἀφροδίτῃ Πόθῳ. Ἄρει δέ; μὴ μή. μηδ’ Ἐνυαλίῳ γε; μή. ὑπότεινε δὴ πᾶσ καὶ κάταγε τοῖσιν κάλῳσ.

일치하는 문장이 없습니다.

SEARCH

MENU NAVIGATION