Aristophanes, Peace, Choral, antistrophe 2

χαῖρε χαῖρ’, ὡσ ἀσμένοισιν ἦλθεσ, ὦ φιλτάτη. σῷ γὰρ ἐδάμην πόθῳ, δαιμόνια βουλόμενοσ εἰσ ἀγρὸν ἀνερπύσαι ἦσθα γὰρ μέγιστον ἡμῖν κέρδοσ ὦ ποθουμένη πᾶσιν ὁπόσοι γεωργὸν βίον ἐτρίβομεν. μόνη γὰρ ἡμᾶσ ὠφέλεισ. πολλὰ γὰρ ἐπάσχομεν πρίν ποτ’ ἐπὶ σοῦ γλυκέα κἀδάπανα καὶ φίλα. τοῖσ ἀγροίκοισιν γὰρ ἦσθα χῖδρα καὶ σωτηρία. ὥστε σὲ τά τ’ ἀμπέλια καὶ τὰ νέα συκίδια τἄλλα θ’ ὁπόσ’ ἔστι φυτὰ προσγελάσεται λαβόντ’ ἄσμενα.