헬라어 문장 검색 - ΑριστοπήΕξξλεσί09́

(아리스토파네스, Ecclesiazusae, Episode)

ὦ μακάριοσ μὲν δῆμοσ, εὐδαίμων δ’ ἐγώ, αὐτή τέ μοι δέσποινα μακαριωτάτη, ὑμεῖσ θ’ ὅσαι παρέστατ’ ἐπὶ ταῖσιν θύραισ οἱ γείτονέσ τε πάντεσ οἵ τε δημόται, ἐγώ τε πρὸσ τούτοισιν ἡ διάκονοσ, ἥτισ μεμύρισμαι τὴν κεφαλὴν μυρώμασιν, ἀγαθοῖσιν ὦ Ζεῦ· πολὺ δ’ ὑπερπέπαικεν αὖ τούτων ἁπάντων τὰ Θάσι’ ἀμφορείδια. ἐν τῇ κεφαλῇ γὰρ ἐμμένει πολὺν χρόνον· τὰ δ’ ἄλλ’ ἀπανθήσαντα πάντ’ ἀπέπτετο· ὥστ’ ἐστὶ πολὺ βέλτιστα, πολὺ δῆτ’ ὦ θεοί. κέρασον ἄκρατον, εὐφρανεῖ τὴν νύχθ’ ὅλην ἐκλεγομένασ ὅ τι ἂν μάλιστ’ ὀσμὴν ἔχῃ. ἀλλ’ ὦ γυναῖκεσ φράσατέ μοι τὸν δεσπότην, τὸν ἄνδρ’, ὅπου ’στί, τῆσ ἐμῆσ κεκτημένησ. αὐτοῦ μένουσ’ ἡμῖν γ’ ἂν ἐξευρεῖν δοκεῖσ. μάλισθ’· ὁδὶ γὰρ ἐπὶ τὸ δεῖπνον ἔρχεται. ὦ δέσποτ’ ὦ μακάριε καὶ τρισόλβιε. ἐγώ; σὺ μέντοι νὴ Δί’ ὥσ γ’ οὐδεὶσ ἀνήρ. τίσ γὰρ γένοιτ’ ἂν μᾶλλον ὀλβιώτεροσ, ὅστισ πολιτῶν πλεῖον ἢ τρισμυρίων ὄντων τὸ πλῆθοσ οὐ δεδείπνηκασ μόνοσ; εὐδαιμονικόν γ’ ἄνθρωπον εἴρηκασ σαφῶσ. ποῖ ποῖ βαδίζεισ; ἐπὶ τὸ δεῖπνον ἔρχομαι. νὴ τὴν Ἀφροδίτην πολύ γ’ ἁπάντων ὕστατοσ. ὅμωσ δ’ ἐκέλευε συλλαβοῦσάν μ’ ἡ γυνὴ ἄγειν σε καὶ τασδὶ μετὰ σοῦ τὰσ μείρακασ. οἶνοσ δὲ Χῖόσ ἐστι περιλελειμμένοσ καὶ τἄλλ’ ἀγαθά. πρὸσ ταῦτα μὴ βραδύνετε, καὶ τῶν θεατῶν εἴ τισ εὔνουσ τυγχάνει, καὶ τῶν κριτῶν εἰ μή τισ ἑτέρωσε βλέπει, ἴτω μεθ’ ἡμῶν· πάντα γὰρ παρέξομεν. οὔκουν ἅπασι δῆτα γενναίωσ ἐρεῖσ καὶ μὴ παραλείψεισ μηδέν’, ἀλλ’ ἐλευθέρωσ καλεῖσ γέροντα μειράκιον παιδίσκον; ὡσ τὸ δεῖπνον αὐτοῖσ ἐστ’ ἐπεσκευασμένον ἁπαξάπασιν, ἢν ἀπίωσιν οἴκαδε. ἐγὼ δὲ πρὸσ τὸ δεῖπνον ἤδη ’πείξομαι· ἔχω δέ τοι καὶ δᾷδα ταυτηνὶ καλῶσ. τί δῆτα διατρίβεισ ἔχων, ἀλλ’ οὐκ ἄγεισ τασδὶ λαβών; ἐν ὅσῳ δὲ καταβαίνεισ, ἐγὼ ἐπᾴσομαι μέλοσ τι μελλοδειπνικόν. σμικρὸν δ’ ὑποθέσθαι τοῖσ κριταῖσι βούλομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Ecclesiazusae, Episode

(아리스토파네스, Ecclesiazusae, Episode)

상위

목록

SEARCH

MENU NAVIGATION