Aristophanes, Ecclesiazusae, Episode 2:

(아리스토파네스, Ecclesiazusae, Episode 2:)

ὁ Ζεύσ σέ γ’ ἐπιτρίψειεν. ἐπιτρίψουσι γάρ. οἴσειν δοκεῖσ τιν’ ὅστισ αὐτῶν νοῦν ἔχει; οὐ γὰρ πάτριον τοῦτ’ ἐστίν, ἀλλὰ λαμβάνειν ἡμᾶσ μόνον δεῖ νὴ Δία· καὶ γὰρ οἱ θεοί· γνώσει δ’ ἀπὸ τῶν χειρῶν γε τῶν ἀγαλμάτων· ὅταν γὰρ εὐχώμεσθα διδόναι τἀγαθά, ἕστηκεν ἐκτείνοντα τὴν χεῖρ’ ὑπτίαν οὐχ ὥσ τι δώσοντ’ ἀλλ’ ὅπωσ τι λήψεται. ὦ δαιμόνι’ ἀνδρῶν ἐά με τῶν προὔργου τι δρᾶν. ταυτὶ γάρ ἐστι συνδετέα. ποῦ μοὔσθ’ ἱμάσ; ὄντωσ γὰρ οἴσεισ; ναὶ μὰ Δία, καὶ δὴ μὲν οὖν τωδὶ ξυνάπτω τὼ τρίποδε. τῆσ μωρίασ, τὸ μηδὲ περιμείναντα τοὺσ ἄλλουσ ὅ τι δράσουσιν εἶτα τηνικαῦτ’ ἤδη ‐ τί δρᾶν; ἐπαναμένειν, ἔπειτα διατρίβειν ἔτι. ἵνα δὴ τί; σεισμὸσ εἰ γένοιτο πολλάκισ ἢ πῦρ ἀπότροπον, ἢ διᾴξειεν γαλῆ, παύσαιντ’ ἂν ἐσφέροντεσ ὦμβρόντητε σύ. χαρίεντα γοῦν πάθοιμ’ ἄν, εἰ μὴ ’χοιμ’ ὅποι ταῦτα καταθείμην. μὴ γὰρ οὐ λάβῃσ ὅποι· θάρρει, καταθήσεισ, κἂν ἔνησ ἔλθῃσ. τιή; ἐγᾦδα τούτουσ χειροτονοῦντασ μὲν ταχύ, ἅττ’ ἂν δὲ δόξῃ ταῦτα πάλιν ἀρνουμένουσ. οἴσουσιν ὦ τᾶν. ἢν δὲ μὴ κομίσωσι, τί; ἀμέλει κομιοῦσιν. ἢν δὲ μὴ κομίσωσι, τί; μαχούμεθ’ αὐτοῖσ. ἢν δὲ κρείττουσ ὦσι, τί; ἄπειμ’ ἐάσασ. ἢν δὲ πωλῶσ’ αὐτά, τί; διαρραγείησ. ἢν διαρραγῶ δέ, τί; καλῶσ ποιήσεισ. σὺ δ’ ἐπιθυμήσεισ φέρειν;

일치하는 문장이 없습니다.

SEARCH

MENU NAVIGATION