헬라어 문장 검색 - ΑριστοπήΕξξλεσί03́00́3́

(아리스토파네스, Ecclesiazusae, Episode 3:)

ἀλλ’ ἦσαν ἥττουσ· ὁ δὲ κατεῖχε τῇ βοῇ, τὰσ μὲν γυναῖκασ πόλλ’ ἀγαθὰ λέγων, σὲ δὲ πολλὰ κακά. καὶ τί εἶπε; πρῶτον μέν σ’ ἔφη εἶναι πανοῦργον. καὶ σέ; μή πω τοῦτ’ ἔρῃ. κἄπειτα κλέπτην. ἐμὲ μόνον; καὶ νὴ Δία καὶ συκοφάντην. ἐμὲ μόνον; καὶ νὴ Δία τωνδὶ τὸ πλῆθοσ. τίσ δὲ τοῦτ’ ἄλλωσ λέγει; γυναῖκα δ’ εἶναι πρᾶγμ’ ἔφη νουβυστικὸν καὶ χρηματοποιόν· κοὔτε τἀπόρρητ’ ἔφη ἐκ Θεσμοφόροιν ἑκάστοτ’ αὐτὰσ ἐκφέρειν, σὲ δὲ κἀμὲ βουλεύοντε τοῦτο δρᾶν ἀεί. καὶ νὴ τὸν Ἑρμῆν τοῦτό γ’ οὐκ ἐψεύσατο. ἔπειτα συμβάλλειν πρὸσ ἀλλήλασ ἔφη ἱμάτια χρυσί’ ἀργύριον ἐκπώματα μόνασ μόναισ, οὐ μαρτύρων ἐναντίον, καὶ ταῦτ’ ἀποφέρειν πάντα κοὐκ ἀποστερεῖν, ἡμῶν δὲ τοὺσ πολλοὺσ ἔφασκε τοῦτο δρᾶν. νὴ τὸν Ποσειδῶ μαρτύρων γ’ ἐναντίον. οὐ συκοφαντεῖν, οὐ διώκειν, οὐδὲ τὸν δῆμον καταλύειν, ἀλλὰ πολλὰ κἀγαθά, ἕτερά τε πλεῖστα τὰσ γυναῖκασ ηὐλόγει. τί δῆτ’ ἔδοξεν; ἐπιτρέπειν γε τὴν πόλιν ταύταισ. ἐδόκει γὰρ τοῦτο μόνον ἐν τῇ πόλει οὔπω γεγενῆσθαι. καὶ δέδοκται; φήμ’ ἐγώ. ἅπαντά τ’ αὐταῖσ ἐστι προστεταγμένα ἃ τοῖσιν ἀστοῖσ ἔμελεν; οὕτω ταῦτ’ ἔχει. οὐδ’ ἐσ δικαστήριον ἄρ’ εἶμ’ ἀλλ’ ἡ γυνή; οὐδ’ ἔτι σὺ θρέψεισ οὓσ ἔχεισ ἀλλ’ ἡ γυνή. οὐδὲ στένειν τὸν ὄρθρον ἔτι πρᾶγμ’ ἆρά μοι; μὰ Δί’ ἀλλὰ ταῖσ γυναιξὶ ταῦτ’ ἤδη μέλει· σὺ δ’ ἀστενακτὶ περδόμενοσ οἴκοι μενεῖσ. ἐκεῖνο δεινὸν τοῖσιν ἡλίκοισι νῷν, μὴ παραλαβοῦσαι τῆσ πόλεωσ τὰσ ἡνίασ ἔπειτ’ ἀναγκάζωσι πρὸσ βίαν ‐ τί δρᾶν; κινεῖν ἑαυτάσ. ἢν δὲ μὴ δυνώμεθα; ἄριστον οὐ δώσουσι. σὺ δέ γε νὴ Δία δρᾶ ταῦθ’, ἵν’ ἀριστᾷσ τε καὶ κινῇσ ἅμα. τὸ πρὸσ βίαν δεινότατον. ἀλλ’ εἰ τῇ πόλει τοῦτο ξυνοίσει, ταῦτα χρὴ πάντ’ ἄνδρα δρᾶν. λόγοσ γέ τοί τισ ἔστι τῶν γεραιτέρων, ἀνόηθ’ ὅσ’ ἂν καὶ μῶρα βουλευσώμεθα, ἅπαντ’ ἐπὶ τὸ βέλτιον ἡμῖν ξυμφέρειν. καὶ ξυμφέροι γ’ ὦ πότνια Παλλὰσ καὶ θεοί. ἀλλ’ εἶμι· σὺ δ’ ὑγίαινε. καὶ σύ γ’ ὦ Χρέμησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Ecclesiazusae, Episode 3:

(아리스토파네스, Ecclesiazusae, Episode 3:)

상위

목록

SEARCH

MENU NAVIGATION