Aristotle, Politics, Book 5 348:

οὐδενὸσ δὲ πενεστέρου γενομένου ἢ πρότερον οὐδὲν ἧττον μεταβάλλουσιν εἰσ δῆμον ἐξ ὀλιγαρχίασ, ἂν γένωνται πλείουσ οἱ ἄποροι, καὶ ἐκ δήμου εἰσ ὀλιγαρχίαν, ἐὰν κρεῖττον ᾖ τοῦ πλήθουσ τὸ εὔπορον καὶ οἱ μὲν ἀμελῶσιν οἱ δὲ προσέχωσι τὸν νοῦν. πολλῶν τε οὐσῶν αἰτιῶν δι’ ὧν γίγνονται αἱ μεταβολαί, οὐ λέγει ἀλλ’ ἢ μίαν, ὅτι ἀσωτευόμενοι κατατοκιζόμενοι γίγνονται πένητεσ, ὡσ ἐξ ἀρχῆσ πλουσίων ὄντων πάντων ἢ τῶν πλείστων.