Aristotle, Politics, Book 5 305:

τούτου μέντοι τυγχάνειν οὐ ῥᾴδιον ὄντα εὐκαταφρόνητον, διὸ δεῖ κἂν μὴ τῶν ἄλλων ἀρετῶν ἐπιμέλειαν ποιῆται ἀλλὰ τῆσ πολεμικῆσ, καὶ δόξαν ἐμποιεῖν περὶ αὑτοῦ τοιαύτην· ἔτι δὲ μὴ μόνον αὐτὸν φαίνεσθαι μηδένα τῶν ἀρχομένων ὑβρίζοντα, μήτε νέον μήτε νέαν, ἀλλὰ μηδ’ ἄλλον μηδένα τῶν περὶ αὐτόν, ὁμοίωσ δὲ καὶ τὰσ οἰκείασ ἔχειν γυναῖκασ πρὸσ τὰσ ἄλλασ, ὡσ καὶ διὰ γυναικῶν ὕβρεισ πολλαὶ τυραννίδεσ ἀπολώλασιν·