Aristotle, Politics, Book 5 202:

μέγιστον δὲ πάντων τῶν εἰρημένων πρὸσ τὸ διαμένειν τὰσ πολιτείασ, οὗ νῦν ὀλιγωροῦσι πάντεσ, τὸ παιδεύεσθαι πρὸσ τὰσ πολιτείασ. ὄφελοσ γὰρ οὐθὲν τῶν ὠφελιμωτάτων νόμων καὶ συνδεδοξασμένων ὑπὸ πάντων τῶν πολιτευομένων, εἰ μὴ ἔσονται εἰθισμένοι καὶ πεπαιδευμένοι ἐν τῇ πολιτείᾳ, εἰ μὲν οἱ νόμοι δημοτικοί, δημοτικῶσ, εἰ δ’ ὀλιγαρχικοί, ὀλιγαρχικῶσ. εἴπερ γὰρ ἔστιν ἐφ’ ἑνὸσ ἀκρασία, ἔστι καὶ ἐπὶ πόλεωσ.