Aristotle, Politics, Book 4 220:

τὴν τοιαύτην γὰρ ἰσότητα ζητεῖ ὁ δῆμοσ. εἰσὶ δὲ οἱ τρόποι τοῦ πάντασ πλείουσ, εἷσ μὲν τὸ κατὰ μέροσ ἀλλὰ μὴ πάντασ ἀθρόουσ ὥσπερ ἐν τῇ πολιτείᾳ τῇ Τηλεκλέουσ ἐστὶ τοῦ Μιλησίου· καὶ ἐν ἄλλαισ δὲ πολιτείαισ βουλεύονται αἱ συναρχίαι συνιοῦσαι, εἰσ δὲ τὰσ ἀρχὰσ βαδίζουσι πάντεσ κατὰ μέροσ ἐκ τῶν φυλῶν καὶ τῶν μορίων τῶν ἐλαχίστων παντελῶσ, ἑώσ ἂν διεξέλθῃ διὰ πάντων, συνιέναι δὲ μόνον περί τε νόμων θέσεωσ καὶ τῶν περὶ τῆσ πολιτείασ, καὶ τὰ παραγγελλόμενα ἀκουσομένουσ ὑπὸ τῶν ἀρχόντων·