Aristotle, Politics, Book 4 173:

ἐν δὲ ταῖσ μικραῖσ ῥᾴδιόν τε διαλαβεῖν εἰσ δύο πάντασ, ὥστε μηθὲν καταλιπεῖν μέσον, καὶ πάντεσ σχεδὸν ἄποροι ἢ εὔποροί εἰσι. καὶ αἱ δημοκρατίαι δὲ ἀσφαλέστεραι τῶν ὀλιγαρχιῶν εἰσι καὶ πολυχρονιώτεραι διὰ τοὺσ μέσουσ πλείουσ τε γάρ εἰσι καὶ μᾶλλον μετέχουσι τῶν τιμῶν ἐν ταῖσ δημοκρατίαισ ἢ ταῖσ ὀλιγαρχίαισ, ἐπεὶ ὅταν ἄνευ τούτων τῷ πλήθει ὑπερτείνωσιν οἱ ἄποροι, κακοπραγία γίνεται καὶ ἀπόλλυνται ταχέωσ.