Aristotle, Politics, Book 4 12:

διὸ πρὸσ τοῖσ εἰρημένοισ καὶ ταῖσ ὑπαρχούσαισ πολιτείαισ δεῖ δύνασθαι βοηθεῖν τὸν πολιτικόν, καθάπερ ἐλέχθη καὶ πρότερον. τοῦτο δὲ ἀδύνατον ἀγνοοῦντα πόσα πολιτείασ ἔστιν εἴδη. νῦν δὲ μίαν δημοκρατίαν οἰόνταί τινεσ εἶναι καὶ μίαν ὀλιγαρχίαν· οὐκ ἔστι δὲ τοῦτ’ ἀληθέσ. ὥστε δεῖ τὰσ διαφορὰσ μὴ λανθάνειν τὰσ τῶν πολιτειῶν, πόσαι, καὶ συντίθενται ποσαχῶσ. μετὰ δὲ ταῦτα τῆσ αὐτῆσ φρονήσεωσ ταύτησ καὶ νόμουσ τοὺσ ἀρίστουσ ἰδεῖν καὶ τοὺσ ἑκάστῃ τῶν πολιτειῶν ἁρμόττοντασ.