Aristotle, Politics, Book 2 273:

ἔστι δ’ ἐπικίνδυνοσ οὕτωσ ἔχουσα πόλισ, τῶν βουλομένων ἐπιτίθεσθαι καὶ δυναμένων. ἀλλά, καθάπερ εἴρηται, σῴζεται διὰ τὸν τόπον· ξενηλασίασ γὰρ τὸ πόρρω πεποίηκεν. διὸ καὶ τὸ τῶν περιοίκων μένει τοῖσ Κρησίν, οἱ δ’ εἵλωτεσ ἀφίστανται πολλάκισ. οὔτε γὰρ ἐξωτερικῆσ ἀρχῆσ κοινωνοῦσιν οἱ Κρῆτεσ, νεωστί τε πόλεμοσ ξενικὸσ διαβέβηκεν εἰσ τὴν νῆσον, ὃσ πεποίηκε φανερὰν τὴν ἀσθένειαν τῶν ἐκεῖ νόμων.