Aristotle, Politics, Book 1 184:

ὁμοίωσ δὲ καὶ δούλου πρὸσ δεσπότην. ἔθεμεν δὲ πρὸσ τἀναγκαῖα χρήσιμον εἶναι τὸν δοῦλον, ὥστε δῆλον ὅτι καὶ ἀρετῆσ δεῖται μικρᾶσ, καὶ τοσαύτησ ὅπωσ μήτε δι’ ἀκολασίαν μήτε διὰ δειλίαν ἐλλείψῃ τῶν ἔργων. ἀπορήσειε δ’ ἄν τισ, τὸ νῦν εἰρημένον εἰ ἀληθέσ, ἆρα καὶ τοὺσ τεχνίτασ δεήσει ἔχειν ἀρετήν· πολλάκισ γὰρ δι’ ἀκολασίαν ἐλλείπουσι τῶν ἔργων. ἢ διαφέρει τοῦτο πλεῖστον;