Aeschines, Speeches, περὶ τῆσ Παραπρεσβείας, section 87

(아이스키네스, 연설, περὶ τῆσ Παραπρεσβείας, section 87)

οὐκ οὖν δεινόν, ὦ ἄνδρεσ Ἀθηναῖοι, εἴ τισ κατ’ ἀνδρὸσ πολίτου, οὐχ ἑαυτοῦ, ἀλλ’ ὑμετέρου, τοῦτο γὰρ προδιορθοῦμαι, τολμᾷ τηλικαῦτα καταψεύδεσθαι, κινδυνεύοντοσ ὑπὲρ τοῦ σώματοσ; ἢ πῶσ οὐκ εἰκότωσ οἱ πατέρεσ ἡμῶν ἐν ταῖσ φονικαῖσ δίκαισ ταῖσ ἐπὶ Παλλαδίῳ κατέδειξαν, τέμνοντα τὰ τόμια τὸν νικῶντα τῇ ψήφῳ ἐξορκίζεσθαι, καὶ τοῦτο ὑμῖν πάτριόν ἐστιν ἔτι καὶ νῦν, τἀληθῆ καὶ τὰ δίκαια ἐψηφίσθαι τῶν δικαστῶν ὅσοι τὴν ψῆφον ἤνεγκαν αὐτῷ, καὶ ψεῦδοσ μηδὲν εἰρηκέναι, εἰ δὲ μή, ἐξώλη αὐτὸν εἶναι ἐπαρᾶσθαι καὶ τὴν οἰκίαν τὴν αὑτοῦ, τοῖσ δὲ δικασταῖσ εὔχεσθαι πολλὰ καὶ ἀγαθὰ εἶναι; καὶ μάλα ὀρθῶσ καὶ πολιτικῶσ, ὦ ἄνδρεσ Ἀθηναῖοι·

상위

Speeches (연설)

목록

일치하는 문장이 없습니다.

SEARCH

MENU NAVIGATION