Aeschines, Speeches, περὶ τῆσ Παραπρεσβείας, section 44

(아이스키네스, 연설, περὶ τῆσ Παραπρεσβείας, section 44)

μέχρι μὲν οὖν τούτων οἱ συμπρέσβεισ εἰσί μοι μάρτυρεσ, οὓσ προπηλακίζων οὗτοσ καὶ διαβάλλων ἐν τῇ κατηγορίᾳ διατετέλεκε· τῶν δ’ ἐπὶ τοῦ βήματοσ παρ’ ὑμῖν λόγων ὑμεῖσ ἀκηκόατε, ὥστε οὐκ ἐνέσται μοι ψεύδεσθαι. δέομαι δὲ ὑμῶν προσεπιπονῆσαι ἀκούοντασ καὶ τὴν λοιπὴν διήγησιν. ὅτι μὲν γὰρ ἕκαστοσ ὑμῶν ποθεῖ τὰ περὶ Κερσοβλέπτην ἀκούειν καὶ τὰσ περὶ Φωκέων αἰτίασ, σαφῶσ οἶδα, καὶ πρὸσ ταῦτα σπεύδω· ἀλλ’ ἐὰν μὴ τὰ πρὸ τούτων ἀκούσητε, οὐδ’ ἐκείνοισ ὁμοίωσ παρακολουθήσετε. ἐὰν δ’ ἐμοὶ τῷ κινδυνεύοντι εἰπεῖν δῶτε ὡσ βούλομαι, καὶ σῶσαί με, εἰ μηδὲν ἀδικῶ, δυνήσεσθε, ἱκανὰσ εἰληφότεσ ἀφορμάσ, καὶ θεάσεσθε ἐκ τῶν ὁμολογουμένων καὶ τἀντιλεγόμενα.

상위

Speeches (연설)

목록

일치하는 문장이 없습니다.

SEARCH

MENU NAVIGATION