Aeschines, Speeches, περὶ τῆσ Παραπρεσβείας, section 13

(아이스키네스, 연설, περὶ τῆσ Παραπρεσβείας, section 13)

ἐπειδὴ δὲ ἐπανῆκε δεῦρ’ ἀπὸ τῆσ πρεσβείασ ὁ Κτησιφῶν, ἀπήγγειλε πρὸσ ὑμᾶσ ὑπὲρ ὧν ἐπέμφθη, καὶ πρὸσ τούτοισ, ὅτι φαίη Φίλιπποσ ἄκων μὲν πολεμῆσαι πρὸσ ὑμᾶσ, βούλεσθαι δὲ καὶ νῦν ἀπαλλαγῆναι τοῦ πολέμου. εἰπόντοσ δὲ ταῦτα τοῦ Κτησιφῶντοσ, καὶ πολλήν τινα ἐξαγγείλαντοσ πρὸσ τούτοισ φιλανθρωπίαν, καὶ τοῦ δήμου σφόδρα ἀποδεξαμένου καὶ τὸν Κτησιφῶντα ἐπαινέσαντοσ, ἀντειπόντοσ δ’ οὐδενόσ, ἐνταῦθα ἤδη δίδωσι ψήφισμα Φιλοκράτησ ὁ Ἁγνούσιοσ, καὶ ὁ δῆμοσ ἅπασ ὁμογνωμονῶν ἐχειροτόνησεν, ἐξεῖναι Φιλίππῳ δεῦρο κήρυκα καὶ πρέσβεισ πέμπειν ὑπὲρ εἰρήνησ. πρότερον μὲν γὰρ καὶ αὐτὸ τοῦτ’ ἐκωλύετο ὑπό τινων, οἷσ ἦν τοῦτ’ ἐπιμελέσ, ὡσ αὐτὸ τὸ πρᾶγμα ἔδειξεν.

상위

Speeches (연설)

목록

일치하는 문장이 없습니다.

SEARCH

MENU NAVIGATION