호흡부호 보기
강세부호 보기
장단부호 보기
작은 Iota 보기
모든 부호 보기
ἐχομένων δ’ οὖν τῶν Ἀφιδνῶν καὶ τῶν ἐν ἄστει δεδιότων, ἔπεισε τὸν δῆμον ὁ Μενεσθεὺσ δέχεσθαι τῇ πόλει καὶ φιλοφρονεῖσθαι τοὺσ Τυνδαρίδασ, ὡσ μόνῳ Θησεῖ βίασ ὑπάρξαντι πολεμοῦντασ, τῶν δὲ ἄλλων εὐεργέτασ ὄντασ ἀνθρώπων καὶ σωτῆρασ. ἐμαρτύρει δὲ αὐτῷ καὶ τὰ παρ’ ἐκείνων· οὐδὲν γὰρ ἠξίωσαν ἁπάντων κρατοῦντεσ ἀλλ’ ἢ μυηθῆναι, μηδὲν ἧττον Ἡρακλέουσ τῇ πόλει προσήκοντεσ. καὶ τοῦτο οὖν ὑπῆρξεν αὐτοῖσ, Ἀφίδνου ποιησαμένου παῖδασ, ὡσ Πύλιοσ Ἡρακλέα·
καὶ τιμὰσ ἰσοθέουσ ἔσχον, Ἄνακεσ προσαγορευθέντεσ, ἢ διὰ τὰσ γενομένασ ἀνοχὰσ ἢ διὰ τὴν ἐπιμέλειαν καὶ κηδεμονίαν τοῦ μηδένα κακῶσ παθεῖν στρατιᾶσ τοσαύτησ ἔνδον οὔσησ· ἀνακῶσ γὰρ ἔχειν τοὺσ ἐπιμελομένουσ ἢ φυλάττοντασ ὁτιοῦν· καὶ τοὺσ βασιλεῖσ ἴσωσ ἄνακτασ διὰ τοῦτο καλοῦσιν. εἰσὶ δὲ οἱ λέγοντεσ διὰ τὴν τῶν ἀστέρων ἐπιφάνειαν Ἄνακασ ὀνομάζεσθαι· τὸ γὰρ ἄνω τοὺσ Ἀττικοὺσ ἀνεκὰσ ὀνομάζειν, καὶ ἀνέκαθεν τὸ ἄνωθεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기