Xenophon, Cyropaedia, Κύρου Παιδείασ Α, chapter 2 7:

οἱ μὲν δὴ παῖδεσ εἰσ τὰ διδασκαλεῖα φοιτῶντεσ διάγουσι μανθάνοντεσ δικαιοσύνην· καὶ λέγουσιν ὅτι ἐπὶ τοῦτο ἔρχονται ὥσπερ παρ’ ἡμῖν ὅτι γράμματα μαθησόμενοι. οἱ δ’ ἄρχοντεσ αὐτῶν διατελοῦσι τὸ πλεῖστον τῆσ ἡμέρασ δικάζοντεσ αὐτοῖσ. γίγνεται γὰρ δὴ καὶ παισὶ πρὸσ ἀλλήλουσ ὥσπερ ἀνδράσιν ἐγκλήματα καὶ κλοπῆσ καὶ ἁρπαγῆσ καὶ βίασ καὶ ἀπάτησ καὶ κακολογίασ καὶ ἄλλων οἱών δὴ εἰκόσ.