Strabo, Geography, Book 14, chapter 3 14:

εἶτα Μύρα ἐν εἴκοσι σταδίοισ ὑπὲρ τῆσ θαλάττησ ἐπὶ μετεώρου λόφου. εἶθ’ ἡ ἐκβολὴ τοῦ Λιμύρου ποταμοῦ καὶ ἀνιόντι πεζῇ σταδίουσ εἴκοσι τὰ Λίμυρα πολίχνη. μεταξὺ δ’ ἐν τῷ λεχθέντι παράπλῳ νησία πολλὰ καὶ λιμένεσ, ὧν καὶ Μεγίστη νῆσοσ καὶ πόλισ ὁμώνυμοσ, καὶ ἡ Κισθήνη. ἐν δὲ τῇ μεσογαίᾳ χωρία Φελλὸσ καὶ Ἀντίφελλοσ καὶ ἡ Χίμαιρα, ἧσ ἐμνήσθημεν ἐπάνω.