헬라어 문장 검색 - ΠολψβίΗιστορί29́027́

(폴리비오스, Histories, book 29, chapter 27)

ὡσ μὲν ἐμοὶ δοκεῖ, μὴ πρότερον ἀξιώσασ τὸ τῆσ φιλίασ σύνθημα ποιεῖν πρὶν ἢ τὴν προαίρεσιν ἐπιγνῶναι τοῦ δεξιουμένου, πότερα φίλιοσ ἢ πολέμιόσ ἐστιν. ἐπεὶ δ’ ὁ βασιλεὺσ ἀναγνοὺσ ἔφη βούλεσθαι μεταδοῦναι τοῖσ φίλοισ ὑπὲρ τῶν προσπεπτωκότων, ἀκούσασ ὁ Ποπίλιοσ ἐποίησε πρᾶγμα βαρὺ μὲν δοκοῦν εἶναι καὶ τελέωσ ὑπερήφανον·

ἔχων γὰρ πρόχειρον ἀμπελίνην βακτηρίαν περιέγραφε τῷ κλήματι τὸν Ἀντίοχον ἐν τούτῳ τε τῷ γύρῳ τὴν ἀπόφασιν ἐκέλευσε δοῦναι περὶ τῶν γεγραμμένων·

ὁ δὲ βασιλεὺσ ξενισθεὶσ τὸ γινόμενον καὶ τὴν ὑπεροχήν, βραχὺν χρόνον ἐναπορήσασ ἔφη ποιήσειν πᾶν τὸ παρακαλούμενον ὑπὸ Ῥωμαίων.

οἱ δὲ περὶ τὸν Ποπίλιον τότε τὴν δεξιὰν αὐτοῦ λαμβάνοντεσ ἅμα πάντεσ ἠσπάζοντο φιλοφρόνωσ. ἦν δὲ τὰ γεγραμμένα λύειν ἐξ αὐτῆσ τὸν πρὸσ Πτολεμαῖον πόλεμον.

διὸ καὶ δοθεισῶν αὐτῷ τακτῶν ἡμερῶν, οὗτοσ μὲν ἀπῆγε τὰσ δυνάμεισ εἰσ τὴν Συρίαν, βαρυνόμενοσ καὶ στένων, εἴκων δὲ τοῖσ καιροῖσ κατὰ τὸ παρόν·

οἱ δὲ περὶ τὸν Ποπίλιον καταστησάμενοι τὰ κατὰ τὴν Ἀλεξάνδρειαν καὶ παρακαλέσαντεσ τοὺσ βασιλεῖσ ὁμονοεῖν, ἅμα δὲ προστάξαντεσ αὐτοῖσ Πολυάρατον ἀναπέμπειν εἰσ Ῥώμην, ἀνέπλευσαν ἐπὶ τῆσ Κύπρου, βουλόμενοι καὶ τὰσ ἐκεῖ καθυπαρχούσασ δυνάμεισ ἐκβαλεῖν ἐκ τῆσ νήσου κατὰ σπουδήν.

ἀφικόμενοι δὲ καὶ καταλαβόντεσ ἡττημένουσ μάχῃ τοὺσ τοῦ Πτολεμαίου στρατηγοὺσ καὶ καθόλου φερόμενα τὰ κατὰ τὴν Κύπρον ἄνω καὶ κάτω ταχέωσ ἀνέστησαν τὸ στρατόπεδον ἐκ τῆσ χώρασ καὶ παρήδρευσαν, ἑώσ ἀπέπλευσαν αἱ δυνάμεισ ἐπὶ Συρίασ.

τῆσ τύχησ οὕτω βραβευούσησ τὰ κατὰ τὸν Περσέα πράγματα καὶ τοὺσ Μακεδόνασ ὥστε καὶ πρὸσ τὸν ἔσχατον καιρὸν ἐλθόντα τὰ κατὰ τὴν Ἀλεξάνδρειαν καὶ τὴν ὅλην Αἴγυπτον παρὰ τοῦτο πάλιν ὀρθωθῆναι, παρὰ τὸ φθάσαι κριθέντα τὰ κατὰ τὸν Περσέα πράγματα·

μὴ γὰρ γενομένου τούτου καὶ πιστευθέντοσ, οὐκ ἄν μοι δοκεῖ πειθαρχῆσαι τοῖσ ἐπιταττομένοισ Ἀντίοχοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 29, chapter 27

(폴리비오스, Histories, book 29, chapter 27)

상위

목록

SEARCH

MENU NAVIGATION