헬라어 문장 검색 - ΠολψβίΗιστορί16́026́

(폴리비오스, Histories, book 16, chapter 25)

Ὅτι ὁ τῶν Ἀθηναίων δῆμοσ ἐξέπεμπε πρεσβευτὰσ πρὸσ Ἄτταλον τὸν βασιλέα τοὺσ ἅμα μὲν εὐχαριστήσοντασ ἐπὶ τοῖσ γεγονόσιν, ἅμα δὲ παρακαλέσοντασ αὐτὸν ἐλθεῖν Ἀθήναζε χάριν τοῦ συνδιαλαβεῖν περὶ τῶν ἐνεστώτων. ὁ δὲ βασιλεὺσ μετά τινασ ἡμέρασ πυθόμενοσ καταπεπλευκέναι Ῥωμαίων πρεσβευτὰσ εἰσ τὸν Πειραιᾶ, καὶ νομίζων ἀναγκαῖον εἶναι τὸ συμμῖξαι τούτοισ, ἀνήχθη κατὰ σπουδήν.

ὁ δὲ τῶν Ἀθηναίων δῆμοσ γνοὺσ τὴν παρουσίαν αὐτοῦ μεγαλομερῶσ ἐψηφίσατο περὶ τῆσ ἀπαντήσεωσ καὶ τῆσ ὅλησ ἀποδοχῆσ τοῦ βασιλέωσ.

Ἄτταλοσ δὲ καταπλεύσασ εἰσ τὸν Πειραιᾶ τὴν μὲν πρώτην ἡμέραν ἐχρημάτισε τοῖσ ἐκ τῆσ Ῥώμησ πρεσβευταῖσ, θεωρῶν δ’ αὐτοὺσ καὶ τῆσ προγεγενημένησ κοινοπραγίασ μνημονεύοντασ καὶ πρὸσ τὸν κατὰ τοῦ Φιλίππου πόλεμον ἑτοίμουσ ὄντασ περιχαρὴσ ἦν.

τῇ δ’ ἐπαύριον ἅμα τοῖσ Ῥωμαίοισ καὶ τοῖσ τῶν Ἀθηναίων ἄρχουσιν ἀνέβαινεν εἰσ ἄστυ μετὰ μεγάλησ προστασίασ·

οὐ γὰρ μόνον οἱ τὰσ ἀρχὰσ ἔχοντεσ μετὰ τῶν ἱππέων, ἀλλὰ καὶ πάντεσ οἱ πολῖται μετὰ τῶν τέκνων καὶ γυναικῶν ἀπήντων αὐτοῖσ. ὡσ δὲ συνέμιξαν, τοιαύτη παρὰ τῶν πολλῶν ἐγένετο κατὰ τὴν ἀπάντησιν φιλανθρωπία πρόσ τε Ῥωμαίουσ καὶ ἔτι μᾶλλον πρὸσ τὸν Ἄτταλον ὥσθ’ ὑπερβολὴν μὴ καταλιπεῖν.

ἐξ ἑκατέρου τοῦ μέρουσ παρέστησαν τὰσ ἱερείασ καὶ τοὺσ ἱερεῖσ.

μετὰ δὲ ταῦτα πάντασ μὲν τοὺσ ναοὺσ ἀνέῳξαν, ἐπὶ δὲ πᾶσι θύματα τοῖσ βωμοῖσ παραστήσαντεσ ἠξίωσαν αὐτὸν θῦσαι. τὸ δὲ τελευταῖον ἐψηφίσαντο τιμὰσ τηλικαύτασ ἡλίκασ οὐδενὶ ταχέωσ τῶν πρότερον εἰσ αὐτοὺσ εὐεργετῶν γεγονότων·

πρὸσ γὰρ τοῖσ ἄλλοισ καὶ φυλὴν ἐπώνυμον ἐποίησαν Ἀττάλῳ, καὶ κατένειμαν αὐτὸν εἰσ τοὺσ ἐπωνύμουσ τῶν ἀρχηγετῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 16, chapter 25

(폴리비오스, Histories, book 16, chapter 25)

상위

목록

SEARCH

MENU NAVIGATION