헬라어 문장 검색 - Πλυταρ́Τηεσευσ́35́

(플루타르코스, chapter 35)

Αἰ̈δωνέωσ δὲ τοῦ Μολοσσοῦ ξενίζοντοσ Ἡρακλέα καὶ τῶν περὶ τὸν Θησέα καὶ Πειρίθουν κατὰ τύχην μνησθέντοσ, ἅ τε πράξοντεσ ἦλθον καὶ ἃ φωραθέντεσ ἔπαθον, βαρέασ ἤνεγκεν ὁ Ἡρακλῆσ, τοῦ μὲν ἀπολωλότοσ ἀδόξωσ, τοῦ δὲ ἀπολλυμένου. καὶ περὶ Πειρίθου μὲν οὐδὲν ᾤετο ποιήσειν πλέον ἐγκαλῶν, τὸν δὲ Θησέα παρῃτεῖτο καὶ χάριν ἠξίου ταύτην αὐτῷ δοθῆναι. συγχωρήσαντοσ δὲ τοῦ Αἰ̈δωνέωσ, λυθεὶσ ὁ Θησεὺσ ἐπανῆλθε μὲν εἰσ τὰσ Ἀθήνασ, οὐδέπω παντάπασι τῶν φίλων αὐτοῦ κεκρατημένων, καὶ ὅσα ὑπῆρχε τεμένη πρότερον αὐτῷ τῆσ πόλεωσ ἐξελούσησ ἅπαντα καθιέρωσε τῷ Ἡρακλεῖ καὶ προσηγόρευσεν ἀντὶ Θησείων Ἡράκλεια, πλὴν τεσσάρων, ὡσ Φιλόχοροσ ἱστόρηκεν.

αὖθισ δὲ βουλόμενοσ ὡσ πρότερον ἄρχειν καὶ καθηγεῖσθαι τοῦ πολιτεύματοσ εἰσ στάσεισ ἐνέπεσε καὶ ταραχάσ, οὓσ μὲν ἀπέλιπε μισοῦντασ αὐτὸν εὑρίσκων τὸ μὴ φοβεῖσθαι τῷ μισεῖν προσειληφότασ, ἐν δὲ τῷ δήμῳ πολὺ τὸ διεφθαρμένον ὁρῶν καὶ θεραπεύεσθαι βουλόμενον ἀντὶ τοῦ ποιεῖν σιωπῇ τὸ προσταττόμενον. ἐπιχειρῶν οὖν βιάζεσθαι κατεδημαγωγεῖτο καὶ κατεστασιάζετο.

καὶ τέλοσ ἀπογνοὺσ τὰ πράγματα τοὺσ μὲν παῖδασ εἰσ Εὔβοιαν ὑπεξέπεμψε πρὸσ Ἐλεφήνορα τὸν Χαλκώδοντοσ, αὐτὸσ δὲ Γαργηττοῖ κατὰ τῶν Ἀθηναίων ἀρὰσ θέμενοσ, οὗ νῦν ἔστι τὸ καλούμενον Ἀρατήριον, εἰσ Σκῦρον ἐξέπλευσεν, οὔσησ αὐτῷ πρὸσ τοὺσ ἐκεῖ φιλίασ, ὡσ ᾤετο, καὶ χωρίων ἐν τῇ νήσῳ πατρῴων. ἐβασίλευε δὲ Λυκομήδησ τότε τῶν Σκυρίων. πρὸσ τοῦτον οὖν ἀφικόμενοσ ἐζήτει τοὺσ ἀγροὺσ ἀπολαβεῖν, ὡσ αὐτόθι κατοικήσων·

ἔνιοι δέ φασι παρακαλεῖν αὐτὸν βοηθεῖν ἐπὶ τοὺσ Ἀθηναίουσ. ὁ δὲ Λυκομήδησ, εἴτε δείσασ τὴν δόξαν τοῦ ἀνδρόσ, εἴτε τῷ Μενεσθεῖ χαριζόμενοσ, ἐπὶ τὰ ἄκρα τῆσ χώρασ ἀναγαγὼν αὐτόν, ὡσ ἐκεῖθεν ἐπιδείξων τοὺσ ἀγρούσ, ὦσε κατὰ τῶν πετρῶν καὶ διέφθειρεν. ἔνιοι δ’ ἀφ’ ἑαυτοῦ πεσεῖν φασι σφαλέντα, μετὰ δεῖπνον, ὥσπερ εἰώθει, περιπατοῦντα. καὶ παραυτίκα μὲν οὐδεὶσ ἔσχεν αὐτοῦ λόγον οὐδένα τεθνηκότοσ, ἀλλὰ τῶν μὲν Ἀθηναίων ἐβασίλευσε Μενεσθεύσ, οἱ δὲ παῖδεσ ἰδιωτεύοντεσ Ἐλεφήνορι συνεστράτευσαν εἰσ Ἴλιον.

ἐκεῖ δὲ Μενεσθέωσ ἀποθανόντοσ ἐπανελθόντεσ αὐτοὶ τὴν βασιλείαν ἀνεκομίσαντο. χρόνοισ δ’ ὕστερον Ἀθηναίουσ ἄλλα τε παρέστησεν ὡσ ἡρ́ωα τιμᾶν Θησέα, καὶ τῶν ἐν Μαραθῶνι πρὸσ Μήδουσ μαχομένων ἔδοξαν οὐκ ὀλίγοι φάσμα Θησέωσ ἐν ὅπλοισ καθορᾶν πρὸ αὐτῶν ἐπὶ τοὺσ βαρβάρουσ φερόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 35

(플루타르코스, chapter 35)

상위

목록

SEARCH

MENU NAVIGATION