헬라어 문장 검색 - Πλυταρ́Τηεσευσ́26́

(플루타르코스, chapter 26)

εἰσ δὲ τὸν πόντον ἔπλευσε τὸν Εὔξεινον, ὡσ μὲν Φιλόχοροσ καί τινεσ ἄλλοι λέγουσι, μεθ’ Ἡρακλέουσ ἐπὶ τὰσ Ἀμαζόνασ συστρατεύσασ, καὶ γέρασ Ἀντιόπην ἔλαβεν· οἱ δὲ πλείουσ, ὧν ἐστὶ καὶ Φερεκύδησ καὶ Ἑλλάνικοσ καὶ Ἡρόδωροσ, ὕστερόν φασιν Ἡρακλέουσ ἰδιόστολον πλεῦσαι τὸν Θησέα καὶ τὴν Ἀμαζόνα λαβεῖν αἰχμάλωτον, πιθανώτερα λέγοντεσ. οὐδεὶσ γὰρ ἄλλοσ ἱστόρηται τῶν μετ’ αὐτοῦ στρατευσάντων Ἀμαζόνα λαβεῖν αἰχμάλωτον. βίων δὲ καὶ ταύτην παρακρουσάμενον οἴχεσθαι λαβόντα·

φύσει γὰρ οὔσασ τὰσ Ἀμαζόνασ φιλάνδρουσ οὔτε φυγεῖν τὸν Θησέα προσβάλλοντα τῇ χώρᾳ, ἀλλὰ καὶ ξένια πέμπειν· τὸν δὲ τὴν κομίζουσαν ἐμβῆναι παρακαλεῖν εἰσ τὸ πλοῖον· ἐμβάσησ δὲ ἀναχθῆναι. Μενεκράτησ δέ τισ, ἱστορίαν περὶ Νικαίασ τῆσ ἐν Βιθυνίᾳ πόλεωσ ἐκδεδωκώσ, Θησέα φησὶ τὴν Ἀντιόπην ἔχοντα διατρῖψαι περὶ τούτουσ τοὺσ τόπουσ· τυγχάνειν δὲ συστρατεύοντασ αὐτῷ τρεῖσ νεανίσκουσ ἐξ Ἀθηνῶν ἀδελφοὺσ ἀλλήλων, Εὔνεων καὶ Θόαντα καὶ Σολόεντα.

τοῦτον οὖν ἐρῶντα τῆσ Ἀντιόπησ καὶ λανθάνοντα τοὺσ ἄλλουσ ἐξειπεῖν πρὸσ ἕνα τῶν συνήθων· ἐκείνου δὲ περὶ τούτων ἐντυχόντοσ τῇ Ἀντιόπῃ, τὴν μὲν πεῖραν ἰσχυρῶσ ἀποτρίψασθαι, τὸ δὲ πρᾶγμα σωφρόνωσ ἅμα καὶ πρᾴωσ ἐνεγκεῖν καὶ πρὸσ τὸν Θησέα μὴ κατηγορῆσαι. τοῦ δὲ Σολόεντοσ ὡσ ἀπέγνω ῥίψαντοσ ἑαυτὸν εἰσ ποταμόν τινα καὶ διαφθαρέντοσ, ᾐσθημένον τότε τὴν αἰτίαν καὶ τὸ πάθοσ τοῦ νεανίσκου τὸν Θησέα βαρέωσ ἐνεγκεῖν, καὶ δυσφοροῦντα λόγιόν τι πυθόχρηστον ἀνενεγκεῖν πρὸσ ἑαυτόν·

εἶναι γὰρ αὐτῷ προστεταγμένον ἐν Δελφοῖσ ὑπὸ τῆσ Πυθίασ, ὅταν ἐπὶ ξένησ ἀνιαθῇ μάλιστα καὶ περίλυποσ γένηται, πόλιν ἐκεῖ κτίσαι καὶ τῶν ἀμφ’ αὐτόν τινασ ἡγεμόνασ καταλιπεῖν. ἐκ δὲ τούτου τὴν μὲν πόλιν, ἣν ἔκτισεν, ἀπὸ τοῦ θεοῦ Πυθόπολιν προσαγορεῦσαι, Σολόεντα δὲ τὸν πλησίον ποταμὸν ἐπὶ τιμῇ τοῦ νεανίσκου. καταλιπεῖν δὲ καὶ τοὺσ ἀδελφοὺσ αὐτοῦ, οἷν ἐπιστάτασ καὶ νομοθέτασ, καὶ σὺν αὐτοῖσ Ἕρμον ἄνδρα τῶν Ἀθήνησιν εὐπατριδῶν·

ἀφ’ οὗ καὶ τόπον Ἑρμοῦ καλεῖν οἰκίαν τοὺσ Πυθοπολίτασ, οὐκ ὀρθῶσ τὴν δευτέραν συλλαβὴν περισπῶντασ καὶ τὴν δόξαν ἐπὶ θεὸν ἀπὸ ἡρ́ωοσ μετατιθέντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 26

(플루타르코스, chapter 26)

상위

목록

SEARCH

MENU NAVIGATION