헬라어 문장 검색 - Πλυταρ́Λψσανδέ22́

(플루타르코스, Λύσανδρος, chapter 22)

ἦν δὲ καὶ τῷ λόγῳ θρασὺσ καὶ καταπληκτικὸσ πρὸσ τοὺσ ἀντιτείνοντασ. "κρατῶν βέλτιστα περὶ γῆσ ὁρ́ων διαλέγεται. "ὦ ξένε, πόλεωσ δέονται. τοὺσ δὲ Βοιωτοὺσ ἐπαμφοτερίζοντασ ἠρώτα πότερον ὀρθοῖσ τοῖσ δόρασιν ἢ κεκλιμένοισ διαπορεύηται τὴν χώραν αὐτῶν.

"τοιούτουσ φοβούμενοι πολεμίουσ, ὧν οἱ λαγωοὶ δι’ ἀργίαν τοῖσ τείχεσιν ἐγκαθεύδουσιν; ἐπεὶ δὲ Ἆγισ ὁ βασιλεὺσ ἐτελεύτησεν ἀδελφὸν μὲν Ἀγησίλαον καταλιπών, υἱὸν δὲ νομιζόμενον Λεωτυχίδαν, ἐραστὴσ τοῦ Ἀγησιλάου γεγονὼσ ὁ Λύσανδροσ ἔπεισεν αὐτὸν ἀντιλαμβάνεσθαι τῆσ βασιλείασ ὡσ Ἡρακλείδην ὄντα γνήσιον.

ὁ γὰρ Λεωτυχίδασ διαβολὴν εἶχεν ἐξ Ἀλκιβιάδου γεγονέναι, συνόντοσ κρύφα τῇ Ἄγιδοσ γυναικὶ Τιμαίᾳ καθ’ ὃν χρόνον φεύγων ἐν Σπάρτῃ διέτριβεν. ὁ δὲ Ἆγισ, ὥσ φασι, χρόνου λογισμῷ τὸ πρᾶγμα συνελών, ὡσ οὐ κυήσειεν ἐξ αὐτοῦ, παρημέλει μέλει τοῦ Λεωτυχίδου καὶ φανερὸσ ἦν ἀναινόμενοσ αὐτὸν παρά γε τὸν λοιπὸν χρόνον.

ἐπεὶ δὲ νοσῶν εἰσ Ἡραίαν ἐκομίσθη καὶ τελευτᾶν ἔμελλε, τὰ μὲν ὑπ’ αὐτοῦ τοῦ νεανίσκου, τὰ δὲ ὑπὸ τῶν φίλων ἐκλιπαρηθεὶσ ἐναντίον πολλῶν ἀπέφηνεν υἱὸν αὑτοῦ τὸν Λεωτυχίδαν, καὶ δεηθεὶσ τῶν παρόντων ἐπιμαρτυρῆσαι ταῦτα πρὸσ τοὺσ Λακεδαιμονίουσ ἀπέθανεν. οὗτοι μὲν οὖν ἐμαρτύρουν ταῦτα τῷ Λεωτυχίδᾳ·

τὸν δ’ Ἀγησίλαον λαμπρὸν ὄντα τἆλλα καὶ συναγωνιστῇ τῷ Λυσάνδρῳ χρώμενον ἔβλαπτε Διοπείθησ, ἀνὴρ εὐδόκιμοσ ἐπὶ χρησμολογίᾳ, τοιόνδε μάντευμα προφέρων εἰσ τὴν χωλότητα τοῦ Ἀγησιλάου· φράζεο δή, Σπάρτη, καίπερ μεγάλαυχοσ ἐοῦσα, μὴ σέθεν ἀρτίποδοσ βλάστῃ χωλὴ βασιλεία. δηρὸν γὰρ μόχθοι σε κατασχήσουσιν ἀέλπτοι φθισιβρότου τ’ ἐπὶ κῦμα κυλινδόμενον πολέμοιο. πολλῶν οὖν ὑποκατακλινομένων πρὸσ τὸ λόγιον καὶ τρεπομένων πρὸσ τὸν Λεωτυχίδαν, ὁ Λύσανδροσ οὐκ ὀρθῶσ ἔφη τὸν Διοπείθη τὴν μαντείαν ὑπολαμβάνειν·

οὐ γὰρ ἂν προσπταίσασ τισ ἄρχῃ Λακεδαιμονίων, δυσχεραίνειν τὸν θεόν, ἀλλὰ χωλὴν εἶναι τὴν βασιλείαν εἰ νόθοι καὶ κακῶσ γεγονότεσ βασιλεύσουσι σὺν Ἡρακλείδαισ. τοιαῦτα λέγων καὶ δυνάμενοσ πλεῖστον ἔπεισε, καὶ γίνεται βασιλεὺσ Ἀγησίλαοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Λύσανδρος, chapter 22

(플루타르코스, Λύσανδρος, chapter 22)

상위

목록

SEARCH

MENU NAVIGATION