헬라어 문장 검색 - Πλυταρ́Λψσανδέ21́

(플루타르코스, Λύσανδρος, chapter 21)

μόλισ δὲ καὶ χαλεπῶσ ἀφεθῆναι διαπραξάμενοσ ὑπὸ τῶν ἐφόρων ἐξέπλευσεν. οἱ δὲ βασιλεῖσ ἀποδημήσαντοσ αὐτοῦ συμφρονήσαντεσ ὅτι ταῖσ ἑταιρείαισ τὰσ πόλεισ κατέχων διὰ παντὸσ ἄρχει καὶ κύριόσ ἐστι τῆσ Ἑλλάδοσ, ἔπρασσον ὅπωσ ἀποδώσουσι τοῖσ δημόταισ τὰ πράγματα τοὺσ ἐκείνου φίλουσ ἐκβαλόντεσ. οὐ μὴν ἀλλὰ πάλιν πρὸσ ταῦτα κινήματοσ γενομένου, καὶ πρώτων τῶν ἀπὸ Φυλῆσ Ἀθηναίων ἐπιθεμένων τοῖσ τριάκοντα καὶ κρατούντων, ἐπανελθὼν διὰ ταχέων ὁ Λύσανδροσ ἔπεισε τοὺσ Λακεδαιμονίουσ ταῖσ ὀλιγαρχίαισ βοηθεῖν καὶ τοὺσ δήμουσ κολάζειν.

καὶ πρώτοισ τοῖσ τριάκοντα πέμπουσιν ἑκατὸν τάλαντα πρὸσ τὸν πόλεμον καὶ στρατηγὸν αὐτὸν Λύσανδρον. οἱ δὲ βασιλεῖσ φθονοῦντεσ καὶ δεδιότεσ μὴ πάλιν ἕλῃ τὰσ Ἀθήνασ, ἔγνωσαν ἐξιέναι τὸν ἕτερον αὐτῶν.

ἐξῆλθε δὲ ὁ Παυσανίασ, λόγῳ μὲν ὑπὲρ τῶν τυράννων ἐπὶ τὸν δῆμον, ἔργῳ δὲ καταλύσων τὸν πόλεμον, ὡσ μὴ πάλιν ὁ Λύσανδροσ διὰ τῶν φίλων κύριοσ γένοιτο τῶν Ἀθηνῶν. τοῦτο μὲν οὖν διεπράξατο ῥᾳδίωσ· καὶ τοὺσ Ἀθηναίουσ διαλλάξασ καὶ καταπαύσασ τὴν στάσιν ἀφείλετο τοῦ Λυσάνδρου τὴν φιλοτιμίαν. ὀλίγῳ δὲ ὕστερον ἀποστάντων πάλιν τῶν Ἀθηναίων αὐτὸσ μὲν αἰτίαν ἔλαβεν, ὡσ ἐγκεχαλινωμένον τῇ ὀλιγαρχίᾳ τὸν δῆμον ἀνεὶσ αὖθισ ἐξυβρίσαι καὶ θρασύνασθαι, τῷ δὲ Λυσάνδρῳ προσεθήκατο δόξαν ἀνδρὸσ οὐ πρὸσ ἑτέρων χάριν οὐδὲ θεατρικῶσ, ἀλλὰ πρὸσ τὸ τῇ Σπάρτῃ συμφέρον αὐθεκάστωσ στρατηγοῦντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Λύσανδρος, chapter 21

(플루타르코스, Λύσανδρος, chapter 21)

상위

목록

SEARCH

MENU NAVIGATION