헬라어 문장 검색 - Πλυταρ́Λψσανδέ09́

(플루타르코스, Λύσανδρος, chapter 9)

ὁ δ’ οὖν Κῦροσ εἰσ Σάρδεισ μεταπεμψάμενοσ τὸν Λύσανδρον, τὰ μὲν ἔδωκε, τὰ δὲ ὑπέσχετο, νεανιευσάμενοσ εἰσ τὴν ἐκείνου χάριν καὶ εἰ μηδὲν ὁ πατὴρ διδῴη καταχορηγήσειν τὰ οἰκεῖα· κἂν ἐπιλίπῃ πάντα, κατακόψειν ἔφη τὸν θρόνον ἐφ’ ᾧ καθήμενοσ ἐχρημάτιζε, χρυσοῦν καὶ ἀργυροῦν ὄντα. τέγοσ δὲ εἰσ Μηδίαν ἀναβαίνων πρὸσ τὸν πατέρα, τούσ τε φόρουσ ἀπέδειξε τῶν πόλεων λαμβάνειν ἐκεῖνον, καὶ τὴν αὑτοῦ διεπίστευσεν ἀρχήν·

ἀσπασάμενοσ δὲ καὶ δεηθεὶσ μὴ ναυμαχεῖν Ἀθηναίοισ, πρὶν αὐτὸν ἀφικέσθαι πάλιν, ἀφίξεσθαι δὲ ναῦσ ἔχοντα πολλὰσ ἔκ τε Φοινίκησ καὶ Κιλικίασ, ἀνέβαινεν ὡσ βασιλέα. Λύσανδροσ δὲ μήτε ναυμαχεῖν ἀγχωμάλῳ πλήθει δυνάμενοσ μήτε ἀργὸσ καθέζεσθαι μετὰ νεῶν τοσούτων, ἀναχθεὶσ ἐνίασ προσηγάγετο τῶν νήσων, Αἴγινάν τε καὶ Σαλαμῖνα προσμίξασ κατέδραμεν. εἰσ δὲ τὴν Ἀττικὴν ἀποβὰσ καὶ τὸν Ἆγιν ἀσπασάμενοσ, κατέβη γὰρ αὐτὸσ ἐκ Δεκελείασ πρὸσ αὐτόν, ἐπέδειξε τῷ πεζῷ παρόντι τὴν τοῦ ναυτικοῦ ῥώμην, ὡσ πλέων ᾗ βούλοιτο, κρατῶν τῆσ θαλάττησ.

οὐ μὴν ἀλλὰ τοὺσ Ἀθηναίουσ αἰσθόμενοσ διώκοντασ αὐτὸν ἄλλῳ δρόμῳ διὰ νήσων ἔφευγεν εἰσ τὴν Ἀσίαν. καὶ τὸν Ἑλλήσποντον ἔρημον καταλαβὼν ἐπεχείρει Λαμψακηνοῖσ αὐτὸσ ἐκ θαλάττησ ταῖσ ναυσί, Θώραξ δὲ τῷ πεζῷ στρατῷ συνανύσασ εἰσ τὸ αὐτὸ προσέβαλε τοῖσ τείχεσιν.

ἑλὼν δὲ τὴν πόλιν κατὰ κράτοσ διαρπάσαι τοῖσ στρατιώταισ ἔδωκεν. ὁ δὲ τῶν Ἀθηναίων στόλοσ ὀγδοήκοντα καὶ ἑκατὸν τριήρων ἐτύγχανε μὲν ἄρτι καθωρμισμένοσ εἰσ Ἐλαιοῦντα τῆσ Χερρονήσου, πυνθανόμενοι δὲ ἀπολωλέναι τὴν Λάμψακον εὐθὺσ εἰσ Σηστὸν καταίρουσι. κἀκεῖθεν ἐπισιτισάμενοι παρέπλευσαν εἰσ Αἰγὸσ ποταμούσ, ἀντιπέρασ τῶν πολεμίων ἔτι ναυλοχούντων περὶ τὴν Λάμψακον.

ἐστρατήγουν δὲ τῶν Ἀθηναίων ἄλλοι τε πλείουσ καὶ Φιλοκλῆσ ὁ πείσασ ποτὲ ψηφίσασθαι τὸν δῆμον ἀποκόπτειν τὸν δεξιὸν ἀντίχειρα τῶν ἁλισκομένων κατὰ πόλεμον, ὅπωσ δόρυ μὲν φέρειν μὴ δύνωνται, κώπην δὲ ἐλαύνωσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Λύσανδρος, chapter 9

(플루타르코스, Λύσανδρος, chapter 9)

상위

목록

SEARCH

MENU NAVIGATION