헬라어 문장 검색 - Πλυταρ́Λψσανδέ07́

(플루타르코스, Λύσανδρος, chapter 7)

ἀλλὰ Καλλικρατίδασ μὲν ἄξια τῆσ Λακεδαίμονοσ διανοηθείσ, καὶ γενόμενοσ τοῖσ ἄκροισ ἐνάμιλλοσ τῶν Ἑλλήνων διὰ δικαιοσύνην καὶ μεγαλοψυχίαν καὶ ἀνδρείαν, μετ’ οὐ πολὺν χρόνον ἐν Ἀργινούσαισ καταναυμαχηθεὶσ ἠφανίσθη. τῶν δὲ πραγμάτων ὑποφερομένων οἱ σύμμαχοι πρεσβείαν πέμποντεσ εἰσ Σπάρτην ᾐτοῦντο Λύσανδρον ἐπὶ τὴν ναυαρχίαν, ὡσ πολὺ προθυμότερον ἀντιληψόμενοι τῶν πραγμάτων ἐκείνου στρατηγοῦντοσ. τὰ δὲ αὐτὰ καὶ Κῦροσ ἀξιῶν ἐπέστελλεν.

ἐπεὶ δὲ νόμοσ ἦν οὐκ ἐῶν δὶσ τὸν αὐτὸν ναυαρχεῖν, ἐβούλοντό τε χαρίζεσθαι τοῖσ συμμάχοισ οἱ Λακεδαιμόνιοι, τὸ μὲν ὄνομα τῆσ ναυαρχίασ Ἀράκῳ τινὶ περιέθεσαν, τὸν δὲ Λύσανδρον ἐπιστολέα τῷ λόγῳ, τῷ δ’ ἔργῳ κύριον ἁπάντων ἐξέπεμψαν. τοῖσ μὲν οὖν πλείστοισ τῶν πολιτευομένων καὶ δυναμένων ἐν ταῖσ πόλεσι πάλαι ποθούμενοσ ἧκεν· ἤλπιζον γὰρ ἔτι μᾶλλον ἰσχύσειν δι’ αὐτοῦ παντάπασι τῶν δήμων καταλυθέντων· τοῖσ δὲ τὸν ἁπλοῦν καὶ γενναῖον ἀγαπῶσι τῶν ἡγεμόνων τρόπον, ὁ Λύσανδροσ τῷ Καλλικρατίδᾳ παραβαλλόμενοσ ἐδόκει πανοῦργοσ εἶναι καὶ σοφιστήσ, ἀπάταισ τὰ πολλὰ διαποικίλλων τοῦ πολέμου καὶ τὸ δίκαιον ἐπὶ τῷ λυσιτελοῦντι μεγαλύνων, εἰ δὲ μή, τῷ συμφέροντι χρώμενοσ ὡσ καλῷ, καὶ τὸ ἀληθὲσ οὐ φύσει τοῦ ψεύδουσ κρεῖττον ἡγούμενοσ, ἀλλ’ ἑκατέρου τῇ χρείᾳ τὴν τιμὴν ὁρίζων.

τῶν δ’ ἀξιούντων μὴ πολεμεῖν μετὰ δόλου τοὺσ ἀφ’ Ἡρακλέουσ γεγονότασ καταγελᾶν ἐκέλευεν·

"ὅπου γὰρ ἡ λεοντῆ μὴ ἐφικνεῖται, προσραπτέον ἐκεῖ τὴν ἀλωπεκῆν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Λύσανδρος, chapter 7

(플루타르코스, Λύσανδρος, chapter 7)

상위

목록

SEARCH

MENU NAVIGATION