Plutarch, De fraterno amore, section 15 9:

εὖ δὲ καὶ τὸν Τεῦκρον Ὅμηροσ πεποίηκεν ἀπὸ τῆσ τοξικῆσ εὐδοκιμοῦντα, τἀδελφοῦ πρωτεύοντοσ ἐν τοῖσ ὁπλίταισ· ὁ δέ μιν σάκεϊ κρύπτασκε φαεινῷ. καὶ τῶν πολιτευομένων οἱ στρατηγοῦντεσ τοῖσ δημαγωγοῦσιν οὐ πάνυ φθονοῦσιν, οὐδέ γε τῶν ῥητόρων οἱ δικολόγοι τοῖσ σοφιστεύουσιν οὐδὲ τῶν ἰατρῶν οἱ περὶ δίαιταν τοῖσ χειρουργοῖσ ἀλλὰ καὶ συμπαραλαμβάνουσι καὶ συνεπιμαρτυροῦσι.